فتحو عيونهم من سحبت الكرسي وگعدت گدامهم وحچيت بهدوء عكس توتري وخوفي.
ضي:: ماشتاقيتولي.!؟
ضرغام اكلني بعيونه اكل ومبتسم بطريقه شيطانيه عكس امه الي معصبه واستلمتني بالغلط والسب والاعترافات.
امتياز:: والله والچ عين وتگعدين ويانه يالگحب** شني عبالچ نسيت شلون فتحتي راس ابني لو شلون جماعتچ ضربو ولچ والله وجلاله يصير بيچ مثل شهيده واكثر.
خليت اديه على الميز وحچيت بأستفزاز بس حتى يحچون كلشي مطلوب.
ضي:: لا مو قصة الي عين بسس فضوول ونسيت اسألكم انتو ليش گتلتو شهد.!؟
ضرغام خله اديه على الميز ولزم لحيته وگال بنذاله وجرئه.
ضرغام:: شهد يا شهد ااخ حاولت اتقربلها بالحسنى بس هيه گح** ورفضتني لو ما رافضتني وگايله ل اخوها العار چان هسه عايشه حالها حالچ بسس هيه اشتكت لسدير وضربني لا وانووب طردني من غير تجاوزه على امي.
اختنگت من كلامه عليها قاومت مشاعري وجعت حچيت.
ضي:: امم زين اذا انته خطفتها واغتصبتها شلون شردت منك و وصلت ل ابوي.!؟
را يحچي وزمخت بوجهي ميمي الملعونه.
امتياز:: هيي هييي يواش شني تحققين ويا انتي شو متحاميه تعرفين شني الي صار شني الي ابالچ يل المگطمة.
ضي:: هه وانتي ليش خايفه مني وبعدين شلاگيتني محققه حتى احقق وياكمم..!؟
باوعلها ضرغام وباس راسها ردت روحي من رجع حچه.
ضرغام:: هه يووم خليني احچيلها خطيه هاي الغزاله فد فضوليه اطگ بالگاع.
ابتسمت بوجهه ورجعت ضهري على الكرسي وحضنت اديه لصدري وهو كمل كلامه.
ضرغام:: شوفي غزالي راح اسولفلچ اتفقنه اني وامي تخلي تبارك بالبيت وفعلاً سوت نفسها مريضه وشهد راحت للجامعه وحدها انتضرتها لحد ما طلعت للبيت وقبل صلاح اني اخذتها غصب لمكان مهجور شگد دافعت عن نفسها وحاولت تمنعني.
بسسس ماگدرت لأن چنت اقوى منها اغتصبتها وقررت اگتلها بس مدري شلون ضربتني وطلعت تركض وبالصدفه.
ابووووچ طلعع بوجهاا رشينه الدكتور والحارس بس حتى اطيح براس ابوچ وفعلاً تحملها ونحبس بدالي وتحمل ذنب مو ذنبه وسلامتچ غزالي.
هوه يحچي وروحي تحترگ ويه كل كلمة يگولها گوه لازمه دموعي حتى متنزل.
ضي:: شنو شعورك وانته مرتكب جريمتين.!؟
ضرغام:: ههه ماكو اي شعور بس ترى دورچ بعده بعدني حاطچ براسي تعرفين ليش.!؟؟
ضليت بس اباوع بعيونه رجع گال بثقه.
STAI LEGGENDO
لم يكن ذنبي.
Storie d'amoreرواية واقعية: بقلمي ريام فاروق. جريئة حزن حب اتنقام رومنسية
