غمتني امتياز وطلعت هيه وغدير بس خلاً گلبي مثل النار اتصلت على سدير اجاني صوته تعبان مثل واحد يبچي ويمه هوسه طحت من طولي گال.
سدير:: يمةة ضييي بالمستشفى خلي صلاح يجيبچ ولتخلين احد يعرف.
قبل ما احچي سد التليفون گمت الطم على راسي ليش بالمستشفى شصاير وياا ضي شبيها غسلت وجهي ولبست عباتي وجنطتي.
ونزلت احاول ابين طبيعة لگيت امتياز وغدير وزكيه گاعدات بصاله رحت يمها وحچيت بهدوء احاول اخفي توتري.
ترافه:: عمه انه رايحه لبيت ام حنين هسه خابرتني شويه تعبانه اروح اشوفها بالي ضل يمها.
زكيه:: يي يمه روحي وسلميلي عليها.
بست راسها وطلعت اخذت صلاح وطلعت للمستشفى نص ساعة وصلت سألت على فرفتهم ودخلت حاطيلها مغذي.
وجها اصفر واثر ضرب شفتها مجرحه رگبتها صايرة دمايه لازم ايدها وگاعد بس شافني گام بوجهي بدون كلام جبته براشدي.
وضليت اضرب بي على صدره وضهره واحچي بقهر على حالها.
ترافه:: سوده بوجهك لييش هيچ ولك انه مو وصيتك عليها شبيها البت شبيهااا.
حضني ويبچي بعد ضرب ابو هاي اول مرة اشوفه يبچي بقهر بادلت الحضن وابچي ويا عليه وعليها گعدنه ومسحت وجهه وحچيت بهدوء.
ترافه:: حبيبي يمه ليش هيچ شبيك وياها انته مو تحبها ليش جاي تأذيها.
سدير:: مو كلب ابن كلب حشاچ مريض يمهةة احس نفسي واحد ثاني اني مو نفسي الأذيتها البارحه چانت الي بيها رغبه اول مرة احسها.
حاولت تمنعني بس...... مگدرتلي واخذتها واليوم هيه نايمه وخشمها ينزف حاولت اگعدها ما گعدت.
لطمت على وجهي وانه اذكر كلام امتياز وغدير من گالن ياخذ حاجته ويشمرها وكلام العلويه وتأكدت سحرهن بده ياخذ مفعوله.
ترافه:: الي صاار صار بس وحگ روح شهد اذا تخليت عنها لو اذيتها بعد اتبرة منك لا انه امك ولا انته ابني تحرم عليك شوفتي فااهم يمهةةة.!؟
هز راسه مخنوگ سحبته لحضني وامسح على راسه لحد ما بدت تهلوس وتبچي مردت گلبي راح لزم ايدها ويحاول يگعدها.
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ضي:: عبدالله كدامي واگف بس اريد احرك رجليه ماگدر وجهه يضوي ومبتسم اصيح عليه واصرخ وهوه واگف بمكانه حسيت على نفسي.
من سدير يحاچيني فتحت عيوني اشاهگ دفعت اديه عني اجتي امه حضنتني وتمسح على ضهري لچمتني دفعتها.
وخرت مستغربه مني باوعتلها منزله راسها لزمت ايدها وحچيت بهدوء وعبره وصوتي گوه يطلع.
