البارت بي مقاطع والفاض جريئة الي متحب تسوي scape اللهم إني بلغت فأشهد. 🖐🏻👉🏻
. . . . . . . . . . . . . . . . . . . . . . . . . . . . . . .
ضي:: اخر مرة گتلك احچي ويه بارق على خلف وعلي شصار ويا.!؟
سدير:: صار ولا ماصار الي تريدينه يصير.
گال هيچ وعيونه على الطريق فهمت قصدة على موضوع الطلاگ بس حبيت اتأكد.
ضي:: وشنو الي اريده.!؟
اجاهلني ويسحب الدخان على صدرة غلست ما لحيت ويا لحد ما وصلنه البيت نزل ولزم ايدي ودخلنه كلهم گاعدين سلمت عليهم عادي وگعدنه.
ترافه:: يعني ام ايات زينه يمه.
ضي:: يي حبيبي زينه وحتى تكدر تتحرك وحدها.
ترافه:: الحمدلله يمه.
شويه وگام عزيز.
عزيز:: تصبحون على خير حبايب.
الكل وانته بخير بقينه گاعدين شويه وصبحنه عليهم لزم ايدي وصعدنه فوگ دخلنه الغرفه دگ تليفونه خليته يحچي ويه بارق.
اخذت دشداشه قصيره ودخلت الحمام بدلت وطلعت لگيته نازع ملابسه ولابس بس تراك وواگف گدام الشباك ويدخن.
بس شافني ذب الجگار وقبل ما اگعد على الچربايه لزمني من اكتافي وعيونه بعيوني ويحچي بجديه.
سدير:: بعدچ مصره نطلگ.!؟
تهربت بنضراتي منه ماعرف اگله يي او لا بعده لازمني.
سدير:احچي ضييي لتبقين ساكته بعدچ على قرارچ!؟
رفعت راسي اباوع بعيونه وافكر اذا طلعت حامل وعرف معقوله يبطل وميطلگني بللت شفتي وحچيت بهدوء عكس التوتر الي بداخلي.
ضي:: يي بعدني على قراري ليش منتضر مني اغير رئيي.!؟
لزگني بصدرة وحچه من بين اسنانه.
سدير:: لييش مصرة تحرگيني بأصرارچ لييش تريدين ادمرين علاقتنه بعد ماتصلح كلشي.!؟
سحبت نفسي منه وخليت شعري ورى اذني.
ضي:: اتصلح او ما تصلح اني ما اريد ابقى وياك بعدين مو ضروري ننتضر لحد ما يلزمون علي وخلف حتى نطلگ.
صاح بصوت شبه عالي.
سدير:: اااخ يا الله لچ بويه انتي ليش عنيده ولچ ماريدچ تبتعدين عني.
وگفت گدامه وحچيت بأنفعال لأن نفسي لعبت.
ضي:: ممكن نسد هل الموضوع لأن مالي خلگ جدال.
سحبني لحضنه وجهه برگبتي وهمس.
سدير:: خلص ماكو جدال شبيچ مطنگرة صارلچ يومين.!؟
