ضي:: لتغلط على اهلي وبعدين شعليه حتى اطفر ناركم تاكل حطبكم يلا وخر.
سدير:: تمارة زوجتي.
هنا من صدگ طفرت من حضنه وفاتحه عيوني وايدي على حلگي مزوج ولاحگني لا وحضني گدامها بشركة.
وهسه عايفها ونايم يمي وبدون قميص يمه احس نفسي خطافة زلم هسه شنو حالها خطيه اكيد تنتضره معقولة عنده جهال.
سدير::الووو وين سافرتي.!؟
ضي:: مزوج وعايف زوجتك ولاحگني انته شنو من بشر وبعدين شلون الك نفس بغيرها وتخونها بشنو مقصره وياك حتى هيچ اسوي بيها.!!!
گام تمدد على الچرباية وطلع جگارة يدخن هدوئه استفزني حيل نرفزني أكثر من گال.
سدير:: من حبيتچ تركتها ف متعتبر خيانه لتكبرين الموضوع.
ضي:: تركتها من وراي دخيل الله يعني نخرب بيتها بسببي ليش مو خطيه.
سدير:: ليش بسببچ وزواجنه زواج متعى.!!
گمت اطوطح كل شويه وصادمني بشي جديد لزمت راسي وگمت گعدت گدامه.
ضي:: سدير ممكن تفهمني وحده وحده لأن انثولت انته شنو.
طفى الجگارة وضحك بوجهي.
سدير:: چنت مزوج تمارة زواج متعى وقبل مصير زوجتي هيه سكرتيرتي تعرف زواجنه ماراح يستمر بعدين من.
تعلقت بيچ تركتها بس هيه ماتركت الشغل لهاذا السبب لضلين تفكرين هواي لاخيانه ولا بطيخ وبعدين اني مو گتلچ لطفرين.!؟
رجعت اتمددت بالگاع مارديت عليه ضحك ودگ تليفونه شلت راسي وگتله.
ضي:: خليي تليفونك صامت لتفضحنى.
رد على الاتصال ويحچي بهدوء وحنيه عرفت من كلامه هاي امه شگد يحبها يضحك وياها ويحاول ينصي صوته حتى ليسمعونه.
هوه يحچي وياها ويسأل على شهد اكيد اخته واني افكر لو عندي ام هم هيچ اجهولت وابوي تخله عني غورگن عيوني شگد مشتاقه ل ابوي ونبراس.
كمل اتصاله واجه شالني خلاني على الچرباية عدلت نفسي وخزرته.
ضي:: لتاخذ راحتك وتحركني بكيفك وبعدين البس قميصك ترى عيب عليك.
تمدد بصفي وخله ايده على عيونه وحچه.
سدير:: ضييي انخمدي وخليني انخمد ترى تعبان وحلات شفافچ.
ضي:: احد لازمك متنخمد.!
ما احس غير سحبني لحضنه وحبسني بين اديه احرك بروحي اريد اخلص منه ماكو سديت حلگه من حچه بصوت شبه عالي.
سدير:: ضييي لتحوسين دخي.......
ضي:: اشش لحد يسمعك خلص لصيح.
