اعصاب فكه نطت ورد بنفاذ صبر.
سدير:: تمام نطلگ بس بشرط ومضطرة اتنفذينه بدون نقاش.
ضي:: والي هوه.
حيل ضجت من گال بنبره لعوبه.
سدير:: ترجعين وياي للبصرة لحد ما يلزم خلف وعلي وبعدها نطلگ غير هاذا الحل ماعندي.
الكل ساكت ومنتضرني احچي واني اعرف كلش زين اذا رحت ويا هسه مستحيل يطلگني بعدين بس احس أأمن ابيتهم.
ضي:: خلينه نحچي شويه وحدنه.
سدير:: من رخصتكم.
معين اخذو راحتكم يابه وتفاهمو بهدوء.
هزيت راسي سندني وصعدنه لغرفتي دخلنه وسد الباب گعدت على الچربايه وهوه واگف گدامي واديه بجبوبه ومعصب.
سدير:: احچي.
ضى:: شنو الي يثبتلي راح اطلگني من نخلص من خلف وعلي.!؟
جاوب بكل صراحه وبرود.
سدير:: ماكو شي يثبت بس لازم اصدگين.
ضي:: تمام اروح وياك بس بشروطي.
گعد گدامي بالگاع ولزم اديه منتضرني احچي.
ضي:: ادري راح تضرب كلامي بعرض الحايط بس راح احچي.. أول شي متتقربلي حتى بالمسه ثانياً اريد ارجع اشتغل لأن ما احب اگعد بالبيت ثالثاً اذا ما قبلت على شروطي ما اروح وياك.
كملت وهوه بعده مركز بوجهي رفعت حاجبي ابتسم بوجهي وباس اديه.
سدير:: الي تريدينه يصير بس ارجعي وياي.
هزيت راسي سندني ونزلنه گعدنه يمهم.
معين:: توصلتو لحل..!؟
سدير:: راح تروح وياي لحد ما نخلص من عمها وابنه وبعدين ترجعلكم هاي اذا ما غيرت رئيها وبقت ابيتها.
گال هيچ وغمز اخر كلامه رفعت حاجبي.
منار:: الله كريم حبيبي بس ياريت ماتروحون اليوم.!؟
حيل ضجت من گال.
سدير:: والله عندي شغل وعزيز وحده ف خلونه نطلع هسه احسن.
معين:: براحتك ابويه بس ضي شتگول تروح اليوم.!؟
هزيت راسي گام باس راسي وگال.
معين:: منار ساعدي بنيتي تلم غراضها وانته سدير تعال عندي موضوع وياك.
حيل حبيت تصرفه خصوصاً من گال بنيتي گمت حضنته نسيت سدير وغيرته المهم اعبر عن فرحتي بي بادلني الحضن.
اخذ سدير ومصطفى للاستقبال صعدنه اني وخالتي لغرفتي لمينه جنطتي وهيه كل ماتنزل دموعها ادور وجها مني.
