سدير:: راح نبقى هاي اليومين هنا ورايح للبيت اجيبلچ ملابس وتليفونچ ما اتأخر ماشي حبيبي.
سحبت اديها وگالت بهدوء خلت شياطيني تطافر منا ومنا.
ضي:: مو حاجة للملابس لأن انته راح اطلگني.
باوعتلها دموعها بعينها اجهالتها وطلعت لأن بس ابقى اجادل وياها أأذيها وبعدين الندم ينعل والد والدي اخذت السيارة.
وطلعت للبيت دخلت لگيتهم يتريگون بسرعة طفرت امي واجتي لزمتني وتحچي بهمس وعصبيه خاف احد يسمعها.
ترافه:: گبل متحچي اي كلمهة ضي وينها شسويتلها وليش ما اجت وياك.!؟
بوست راسها وحچيت بهدوء وصوت مسموع.
سدير:: ياترافة گلبي مرتي واريد اختلي بيها ليش هالقلق هاذا وبعدين هيه ماقبلت تجي تريد تبقى بالشقه.
ترافه:: وحق ربك اذا مسويلها شي بساعتها ما تلوم غير نفسك خوووش.
هزيت راسي وبوستها وصعدت لغرفتي طلعت جنطه اخذتلها ملابس داخليه وملابس وتليفونها دخلت ترافة گلبي قبل ماحچي نترت بوجهي.
ترافه:: وين ترييد تودي البنيه ويين ماخذ ملابسها وليش مارجعتها وياك وشني سالفة ضرغام احچييي سديير..
سدير:: وحدة وحدة ما اوديها لمكان ماخذ ملابسها الها ليش مارجعتها اريد ابقى بشقه اني وياها لحد ماتهدء الاوضاع.
اما سالفة ضرغام بايخةة ابيخ منها ماكو وما اريد احچي هسه وبس خليني اروح ولتخافين مابيها شي.
لزمت ايدي وخلتها على راسها وگالت بغصه مردت گلبي.
ترافه:: احلف بداعتي ضي مابيها شي وما اذيتها وهيه زينةة.
سحبت ايدي من راسها ما اگدر احلف چذب بداعتها وخصوصاً ضييي حالتها حاله لزمت وجها وبست راسها.
سدير:: يومين ونرجع اني وياها ليضل بالچ واذا احتاجيتي شي يمچ صلاح لو اتصلي عليه.
قبل لتحچي شلت الجنطه وطلعت بس نزلت گالت ميمي.
امتياز:: شني سدير مسافر ومرتك وينها.!؟
غمضت عيوني اكره صوتها باوعت لضرغام وحچيت.
سدير:: ضرغام اني طاالع يومين وارجع وانته لتروح للشركة تمارة وهمام هناك يتولون الشغل انته خليك بالبيت.
