اذكرت خسارت شهد ونعصر گلبي لزمت اديها.
ترافه:: انه راح افاتحه بالموضوع بس ما اضنه يرضه والي سوى ابنچ مو قليل خيه.
امتياز:: والله ندمان يا خيه فدوه اروحلچ اقنعي يسامحه ويرجعه.
ترافه:: روحي خيه انه اقنعه والله يهدي روحي.
حضنتني وطلعت مكيفه اجت تبارك گعدت گدامي ولزمت ايدي.
تبارك::حبيبتي انتي ما مجبورة تسمعين كلام يغثچ من سدير بسبب امي وضرغام وسدير مستحيل يرجع ضرغام للبيت خصوصاً بوجود ضي.
ترافه:: يي يمه كلامچ صح بس ماشفتيها شلون مقهورة على اخوچ خليني احاول ويا والله كريم بلكت يرضه.
هزت راسها ورجعت تقره ضليت أسبح واقره لحد السبعة گامت تبارك تبدل وانه نزلت اسويلها ريوگ نزلت تريگت وطلعت لدوام.
گعدت زكيه وامتياز وغدير وفاضل سوينه ريوگ وزكيه گالبه وجها عليه تريگنه ولمينه الريوگ صارت الساعه 9 ونص وسدير وضي ماگعدو.
اخذت گهوه لزكيه وخليتها گدامها فاضل وامتياز طلعو لسوگ وغدير بالحديقة گعدت بصفها دارت وجها عني انه احبها واحترمها.
ترافه:: عمه بروح فلاح لا اديرين وجهچ عني انه مالي غيرچ انتي امي وعمتي.
دارت وجها عليه وملامحها ضايجه.
زكيه:: امچ هه لو امچ مارحتي جبتي بت المجرم وسويتها چنتچ.
نزلت گعدت گدام رجليها مارضت بس ضليت گاعده اريدها تقتنع ب ضي ماريدها تكرها.
زكيه:: گومي يمه ترفه شني گاعده جوه رجليه شني سالفتچ.
حچيت بصوت مخنوگ ودمعه بعيني.
ترافه:: ما اگوم اله ترجعين تشوفيني مثل قبل وتتقبلين ضي عمه فدوه اروحلچ ضي مالها ذنب يتيمه ومكسورة حالها حالي.
زكيه:: دگومي اگعدي بصفي ونحچي گومي.
گمت گعدت بصفها ولزمت اديها وحچيت بدموع.
ترافه:: انتي الچبيرة وتعرفين الصح من الغلط مالي احد وربيتيني وزوجتيني ابنچ وسويتيلي قيمه وقدر وانه سويت مثلچ.
ضي مالها احد وزوجتها لسدير عمه وروح شهد البنيه بريئه ومالها احد يتيمه وعمامها حشاچ يتناهشونها مثلچ الچلاب.
زكيه:: يعني عمامها مايريدونها.!؟
ترافه:: يي يمه والله حتى اذا شفتي اكو اثر ضرب على وجها خطيه حتى مرت ابوها وبتها مايردنها يمهن مالها غير سدير.
رادت تحچي وحچت غدير وهيه تتقدم علينه.
غدير:: هه مالها غير سدير وابوها كتل شهد.!؟
