سدير :: شلگيت بتحقيقكم..!؟
بارق:: اكو ربط بين علي سفانه خلود و واحد على القائمه بس لحد هسه ماكتشفنه منو.
سدير:: خلود شجابها بالنص لخاطر محمد.!؟
بارق:: خلود وسفانه اهلهن گرايب ومن حچيت ويه سفانه وعرفت بموضوع شهد ما تفاجئت مثل واحد يعرف ماتصرفت بدون علمك تريد ادخلها تحقيق.!؟
تلخبط عقلي سفانه وخلود گرايب معقوله زين ليش ماعرفت من قبل.
سدير:: اكو دليل ملموس ضد سفانه.!؟
بارق:: لا ماكو لا ضدها ولا ضد خلود المعروف بس گرايب.
سدير:: وضرغام هم لگيت عليه شي.!؟
بارق:: مع الاسف لاا.
عصبت حيل احس بعجز وقهر معقوله ماراح نلگه الي قتل شهد.
سدير:: احنى راح نطلع واذا صار شي وياك گلي.
بارق:: سدير خليهن اليوم سويه شوف شگد فرحانات وانته تعال وياي نطلع ويه الشباب.
باوعتلها مندمجه وتحچي ويه ايات وبيداء هزيت راسي وگمت بست خدها گدامهن.
سدير:: حبيبي اليوم خلصي ويه صديقاتچ اني طالع ويه بارق احبچ.
ماحچت شي هزت راسها خجلانه عفتها وطلعت ويه بارق بالطريق اتصل عزيز وحچينه بموضوع رجعته فاجئني من گال راح اقيم بتركيا حيل ضجت.
بارق:: شعجب يستقر بتركيا.!؟
خليت جگارة بحلگي حيل ضايج ومعصب رديت عليه معصب.
سدير:: ميتحمل وجود ضييي گدامه بس لغيره ههه.
بارق:: سدير ماكو داعي تعصب وتنفعل يجوز موهاذا السبب وبعدين خلي يستقر بتركيا باچر يزوج ويكون عائله.
سدير:: الي بگلبه وحده وميحصل عليها راح تبقى نفسه بيهاا لو الف سنه.
بارق:: سدير كبر عقلك وبطل شك وغيره صارت الك وبين اديك ماكو داعي تكبر الموضوع وتأذيها بغيرتك.
هزيت راسي وكملت الطريق ساكت والتفكير ينهش بعقلي من صفحة شهد وموتها ومن صفحة قرار عزيز.
••••••••••••••••••••••••••••••••••••••••••••••••••
ضي:: باسني گدامهن وطلعو بسيارة بارق سيارته بقت گدام المطعم ضحكت على كلام بيداء.
بيداء:: يمه فديت طول وشخصه وجمال وغزل اگلچ ضييو شو رجلچ يشگ شگ چا شمالهم ولد عمامي وخوالي چلحان.!؟
ايات:: ولچ عينچ عن الرجال لا اصيرين مخسبگه وعينچ زايغه رجل صديقتچ مثل اخوچ لصيرين مطيه وحاسوده.
