دخلت اسبح كملت سبح ولفيت نفسي بالمنشف وطلعت عبالي بعده بصاله نازع تشيرته واگف گدام الشباك باوعلي من فوگ ليجوه.
رحت للكنتور اريد اطلع ملابس قبل ما افتح الكنتور سحبني لصدرة ولزم فكي عيونه ذبلت تقرباً دقيقتين وهوصافن بوجهي خليت اديه على صدرة وحچيت بتوتر.
ضي:: ببردت ووخر شويه ارييد ابدل.
ابتسم بوجهي باس گصتي.
سدير:: غيري ملابسچ وخلينه نطلع نغير جو.
هزيت راسي وهوه دخل الحمام غيرت ملابسي وگعدت انشف بشعري طلع من الحمام والمنشف على خصره وگف وراي اخذ الشسوار مني وينشف بشعري بقيت اباوعله المي ينزل من شعرة على صدرة خجلت من گال.
سدير:: شنو اول مرة تلاحضين جمال زوجچ.!؟
نزلت راسي العب بأديه كمل وضفرة خليته ينشف بشعرة وگمت گعدت على الچربايه كمل واخذ ملابسه ودخل الحمام بدل وطلع.
خله عطر ورشلي ويا اخذ جگايرة وتليفونه وجنطتي وطلعنه صعدنه السيارة وطول الطريق لازم ايدي ويبوس بيها حسيت بحماسه من يحچي.
سدير:: حبيبي يصير نشتري ملابس لأبنه من هسه.
ضي:: لا بعد وكت ومانعرف بنت لو ولد يعني لازم نعرف حتى نجهزله.
سدير:: انتي تريدين بنت لو ولد.!؟
جاوبته بهدوء.
ضي:: مادري المهم يكون بخلقة تامة وصحة زينه.
باوعتله مبتسم وعاض شفته.
سدير:: احد يصدگ هاذا كلام بنيه بعمر 21 فدوة اروح لحليگچ.
ضي:: ليش العمرها 21 زغيرة.!؟؟
سدير:: يي زغيرة هسة انتي شكلچ وعمرچ زغيرة بس عقلچ چبير و واعية.
ابتسمت بسبب كلامه عني بقينه نفتر بالمولات واشترالي كم عطر وغسولات بشرة وكم فستان احذيه وحتى داخليات اشترالي.
وكل الغراض هوه شايلهن ويمشي اباوعله مبتسم دخلنه السيارة وخله الغراض بالجنطه مالت السيارة واجه صعد اشتهيت تكي لزمت ايده باوعلي مستغرب.
ضي:: اريد تكي.
ابتسم بوجهي.
سدير:: حبيبي هسه مو موسمه.
طبگت حواجبي ضايجه لزم ايدي باسها.
سدير:: خلص لضوجين هسه نفتر السوگ كله ونلگالچ تكيي.
ابتسمت بوجهه وبقينه نفتر على كل المحلات لحد ماصار اليل كل محل نطبله يگولونمو موسمه حيل ضجت حچيت بنرفزة.
