بارق:: شنوو اهدي وديري بالچ عليها جااييين لتخلينهاا تنزل.
سدير:: شبييك شكو.!
دخل يركض بدون ميرد عليه دخلت وراى صاح عليهم.
بارق:: شباب بسرعة كل واحد بسيارته الحگونه اني وسدير.
سدير:: فهمني يا خيي شكووو.
طلعت شياطيني من گال.
بارق فارس و ولده ابيت اسماعيل ومسوينها هوسه على النسوان خلوونه نطلع يلا.
ركضت لسيارتي وشغلتها صعد وياي بارق قبل ميسد الباب شخطت السيارة والبقيه ورانه وطول الطريق بالي يمها.
سدير:: دخيل الله اذا احد تقربلها بالعباس اخذ روحه.
بارق:: لا نشاء الله ماكو شي لأن اياتـــــي گالت معين ومصطفى يهدون بالوضع بس اكو هوسه وصياح.
سدير:: يصير خير بس خلي اوصل انعل والديهم وعلي.
وصلت شارعهم واشوف سيارتين گدام بابهم نزلت والشباب نزلو ورانه دفعت الباب وطبيت وكلامهم مينفهم من الصياح.
ما احس غير صوت طلقه صارت صنته باوعت وراي واشوف مهدي بيده مسدس رافع ايده الكل متفاجئ.
سدير:: رجال شكبرك عااايف فاتحت اخوك وجاي تتهدد على نسوان.!؟
فور دمي من گال.
فارس:: ما اطلع منا اذا ما اخذ رووح ضي بيوم موت ابوها متزوجه ومنك وعلي اخذ روحها واطم عارها مثل ما طميت ابوها.
صاحت بوجهه منار بصوت عالي.
منار:: اذا انته رجال مد ايدك عليها وبعدين هيه اتزوجت على سنة الله ورسوله شنو اطم عارها هيه اضطرت تتزوج بس حتى تحمي نفسها منكم.
فارس:: خليني محترمچ كافي رجلچ وحماچ انوب انتي مثل لسان الدلاله ومينگ...
مصطفى:: هووب هووب الزم حدك ولتجاوز عليهاا ويلا اخذ چلابك واطلع منا انتم هم تسمون زلم وعمام.
معتصم:: ولك لا اجي افثم ضهرك گواد اثمع لك ادوث على راثك.
اني وبارق نباوع لثاني ومهدي والبقيه كذالك وحابسين ضحكتنه معتصم سنونه طايحه ويرتل دخيل الله نحطينه بموقف ماننحسد عليه.
معين:: خويه انته رجال شكبرك والك شيبتك وهسه هيه مزوجه ما الك الحق عليها اخذ ولدك وارجع للفاتحه.
عدي ابن فارس.
عدي:: ليش ما سألت ما گالت واتزوجت بسكوت وحتى اخوها صارله شهرين من مات وهو اخته صا.......
قبل ليكمل صحت بي.
سدير:: كاافي باوع لك فارس قسم بالله اذا ما اخذت چلابك وطلعت اله اخيسكم بالحبس اطلع بأحترامك احسلك.
