ضي:: ساعتين واجاني اتصال من ايات طيح گلبي بين رجليه بسرعة نزلت وخذت تكسي للبيت ابد ماتوقعت يسويها دخيل الله والله تبهذلت.
اتصلت على سدير اكثر من مره مارد بطلاع الروح وصلت البيت لگيت دوريه وشرطه گدام بابنه دفعت الباب ودخلت لگيت خلف وفارس وشيماء وايات لحضه هاذا بارق.!؟
ضي:: شصاير ابوي وينه احچو شكوو.
بارق:: انتي بنت المخطوف.!؟
مسوي نفسى ميعرفني وهوه يعرف كلش زين صاحبه الخاطف وگفت بوجهه.
ضي:: يي بنته واذا ما رجع منا لساعتين متلومون غير نفسكم.
نسيت نفسي واحچي بعصبيه جرني خلف حيل من ايدي.
خلف:: ولچ شلون هيچ تحچين ويه الملازم احترمي وشسوين باله اگعدي خلينه نفهم.
بارق:: حجي ايدك عنها وانتي بويه ممكن احچي وياچ على انفراد.!
فارس:: سيدي احچو هنا ليش على انفراد احنى هم اريد نعرف شكو اخونه وينه وليش خطفوه..
بارق:: هيه الي عايشه ويا واريد اسألها كم سوال على انفراد وهاذا مجرد إجراء قانوني تفضلي بويه خلينه نطلع نحچي بره.
طلع بالحديقة واجيت اطلع ولزمني فارس.
فارس:: كله من وراچ اخوي تبهذل ونفضح وهسه انخطف الله ياخذچ يا حقيره.
سحبت ايدي منه وطلعت ورى بارق لگيته يشرب جگاير وگفت گدامه ذب جگارته.
ضي:: من كل عقله هاذا صاحبك يخطف ابوي ههه لا وانته تحقق بالقضيه.
بارق:: شوفي ضي ما اعرف على شنو جاي تحچين
بس اجانه بلاغ من جوارينكم شايفين ابوچ ينخطف وحالياً اني جاي اقوم بواجبي.
ضي:: ومن خطفته ويا هم چنت تقوم بواجبك.!!؟
بارق:: ههههه ما استغرب من هاذا كلامچ البارحة سويتنه عصابه واليوم مختطف.
ضي:: خليني اتأكد منو من جوارينه قدم البلاغ.!؟
بارق:: ماعندچ ثقى بالقوات الأمنية معقوله.!؟
ضي:: لا ماعندي بيت منوو.
بارق::ههه ماشيى مره اسمها ام حارث.
هزيت راسي ورحت دگيت الباب على ام حارث بينه بيتين طلعتلي.
ضي:: شلونچ خاله فدوه انتي قدمتي البلاغ.
ام حارث:: يي يمه سوده بوجهي طلعت اذب الزبل وشفت سياره سوده نزلو منها ثنين ملثمين وصعدعو ابوچ غصب عنه وگبل اتصلت على الشرطه شني ما لگيتو.
اختنگت من حچتلي ليش هيچ جاي يصير وياي هزيت راسي ورجعت.
بارق:: ها تأكدتي هسه ابوچ مخطوف وسدير معليه.
