سدير:: ترافة گلبي بداعتي ديري بالچ على ضييي ترى هاي عروگ اديه لتخلينها وحدها.
حضنتني بادلتها الحضن.
ترافه:: لتوصي حريص اخليها بعيوني ترجع بسلامه حبيبي.
بوستها واخذت سيارتي وطلعت گبل لبيت بارق واخيراً طاحو بيدي.
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ضي:: هوه طلع منا واني بدلت ملابسي اريد اطفي الاضويه دگ الباب ودخلت ترافه ابتسمت بوجها گعدت على الچربايه گعدت بصفها.
ترافه:: انسي كلامنه الي حچينه بي الصبح انه شويه رد فعلي چان عدواني اعذريني بس سعادت ابني وياچ انتي وبس اشوف ضحكته وفرحته اشوف الحب بعيونه من يباوعلچ ضي انتي رجعتي ضحكت ابني ما اريدچ تاخذينها منه اذا اطلگتو راح يدمر الله شاهد عليه راح يدمر اوليدي.
منزله راسي مادري شرد عليها هيه جاي تحذرني حتى مارفض لزمت اديها وحچيت بهدوء رغم اضطراب تفكيري.
ضي:: اسفه اذا كلامي عنه جرحچ لو ضوجچ بس اني ويا يعني علاقتنه متناقضة مستحيل نتحمل بعض لدرجه صار اسبوع مجاهلين بعض واذا بقيت ويا اني راح ادمر مو هوه.
لزمت اديه وگالت بتوسل.
ترافه:: فدوه اروحلچ لا تكسرين سدير والله ماعنده فرحه غيرچ اذا عندي خاطر يمچ تراجعي عن هل القرار دخيلچ يا يمهة.
اباوعلها وماعرف شرد عليها ليش الكل يريد بس مصلحته ليش محد يفكر بالمقابل نزلت راسي ساكته.
ترافه:: فكري هل اليومين حبيبتي وياريت تغيرين رايچ وماتتسرعين يلا يمهة تصبحين على خير.
ضي:: وانتي بخير حبيبتي.
باست راسي وطلعت گمت قفلت الباب وطفيت الاضويه اتصل على ايات مرتين ما ردت باوعت لساعه 10 ونص.
اكيد رجعت للبيت من المطعم زين ليش مترد رجعت ورى نص ساعه اتصلت مرتين جاوبت تبچي خاله شيماء زالگه بالحمام وماخذتها للمستشفى.
غيرت ملابسي بسرعة لفيت شعري وطلعت لغرفة ترافه دگيت الباب ودخلت شافتني بسرعة گامت بوجهي.
ترافه:: يمهة اسم الله وين رايحه.!؟
حچيت بغصه.
ضي:: خاله شيماء بالمستشفى اني رايحه اشوفها لأن ايات وحدها.
ترافه:: يا يمه سودة عليه ماتستاهل اوگفي خلي ابدل واروح وياچ اصبري حبيبتي.
ضي:: ماشي اني نازله گدامچ حبابه بسرعة.
هزت راسها ونزلت طلعت اريد احچي ويه صلاح ولاگاني عزيز چان گاعد بالحديقه گام بوجهي وباوعلي مستغرب.
