اجه شالني وصعدنه للغرفه نزلني على الچربايه وگعد بصفي يمسح على خدي اجاني فضول اسأله على ضرغام حچيت بهدوء.
ضي:: سدير وين ضرغام.!؟؟
اجاهلني وگام انطاني علاج اخذته واجه گعد بصفي رجعت سألته بنفس الهدوء.
ضي:: انته سويت هيچ ب امتياز.!؟
مارد عليه طلع جگاره وشعلها رجع راسه على الچربايه حيل ضجت منه هاي ثاني مرة اجاهلني بيها.
گمت طلعت ملابس ودخلت الحمام بدلت وطلعت لگيت تليفوني يدگ باوعت الاسم ايوو خليته صامت لأن بعدني معصبه منها لفيت شعري كعكه وگعدت على التخم.
سدير:: ردي على ايات خطيه بالها يمچ.
اجاهلته ورجعت راسي ليورة وغمضت عيوني افكر بيني وبين نفسي صدگ بعد ميطلگني وراح اعيش ويا الأخر عمري فتحت عيوني من گعد بصفي.
سدير:: يعني هسه انتي زعلانه على ايات.!؟
اجهالته هوه مو مارد عليه اني هم ماراح ارد عليه خله ايده على راسي.
سدير:: اجتي حالة العناد عندچ.!؟؟؟
قبل ما ارد عليه دگ تليفونه شاف الاسم وگام وگف گدام الشباك وميحچي مجرد يگول.
سدير:: اممم
تقريباً عشر دقايق وعلى نفس الوضعية بده ياكلني الفضومن من گال.
سدير:: خلص سدي هاذا الموضوع من اجي نحچي بي.... لتلحييييين.
سد الاتصال معصب وسحب الكرسي وگعد يسحگ جگاير خلص الباكيت دگ تليفوني بارق يتصل رديت عليه.
ضي:: اهلا بارق.
رفع حاجبه مستغرب گلبت عيوني من سمعت صوت ايات.
ايات:: الحقيرة الحيوانه الزفره الله يطيح حضچ اني مو حذرت تردين عليه.
ضي:: تصبحين على خير.
قبل متحچي سديت الاتصال وقفلت التليفون گمت اتمددت على الچربايه اجتي عيني عليه معصب حيل من اجا الاتصال لحد هسه شويه واجه تمددت بصفي سؤاله حيرني.
سدير:: ضييي ليش من اگول خلص كلشي راح يصلح يرجع يخرب.!؟
ضي:: وشنو الي خرب.!؟
غمض عيونه معصب وسحب نفس بصوت عالي وبقى مغمض بدون ميحچي شي.
ضي:: اذا متريد اجاوب شكو سألتني وخليتني اسأل وجاهلتني.!؟؟
نام على ضهره ولزم شعرة بأيده.
سدير:: ماريد اخسرچ انتي والي ابطنچ وماريد اتخلى عنه هوه ما اله ذنب.
