سدير:: اخذچ لدكتور.!؟
هزيت راسي ب لا اجتي تبارك وبيدها صينية بيها ثنين چاي خلتها گدامنه ودخلت شويه ودگ تليفونه جاوب و وجهه نگلب وگام يصيح بعصبيه وصوت عالي سد التليفون وگال.
سدير:: اصعدي للغرفه شويه وجاي يلا حبيبي.
هزيت راسي ودخلت صعدت للغرفه لگيت تليفوني يدگ خاله منار بقيت احچي وياها.
========<>=========<>==========
سدير:: گاعدين اني وياها بالحديقة واتصل صلاح وگال ضرغام بالباب ويريد يدخل گمت اصيح عليه ميخلي يطب خليتها تصعد للغرفه.
وطلعت لضرغام لگيت فاضل امتياز غدير وزكيه كلهم گدام الباب ويريدونه يدخل يصيحون على صلاح البواب.
سدير:: هوب هوب الكل جوه منا عالم ولا والعباس هسه اطشر راسه گدامكم يلااا.
امتياز:: اذا ماخليته يدكل هسه افضحك گدام العالم كلها.
سدير:: طبي جوه بربوگ تلمين العالم على ابنچ مو عليه وهسه طبي لا اخذ روحه وروحچ عمييي فاضل دخلهن جوووه.
اخذهن ودخلو جوه ضرغام على وجه ابتسامه شيطانيه خله اديه بجيب بنطرونه ويباوعلي سويت مثله و وگفت گدامه وحچيت بهدوء عكس النار الي بداخلي.
سدير:: يي ضرغام اليوم مشرفنه خير ياطير.!؟
فور دمي بكلامه گوه لازم روحي عنه.
ضرغام:: خير بس هسه اني محتار اباركلك لو اعزيك يعني مزوج بس قبلها اختتككك ماتت الله يرحمهااا.
سدير:: ضرغام شجابك عزيزي انطينياها من الاخير لو اني احزر اممم امك اتصل عليك وگلتلك ارجع للبيت مو هيچ.!؟
ضرغام:: حليتها ياسبع بس ترى زحمه تخلي البنت الي ابوها كتل اختك اصير زوجتك وابن عمك واخوك مايصير حييل زحمه.
سدير:: اممم فعلاً صدقت كلش زحمه اخليك واگف على رجليك بدون ما اكسرهن.
ضرغام:: ههه منو لازمك يلا اشوف كسرهن.!
سدير:: رخيص والطلب ارخص دتعال.
نزلت بي دگ بوكسات خلصت عليه خلاص وتمددت بصفه.
سدير:: ااه خرب عشيرتك شنو انته متوب اضل طلي وامك تمشيك على كيفها احفض كرامتك واطلع منا واذا.
رجعت اله اخذ روحك راح اصير كريم واخلي صلاح يشمرك بالگراج ارجع لبيت خوالك.
گمت وخليت صلاح ياخذه بالسيارة دخلت ولزمتني امتياز بالسانها واني اضحك عليها بس حتى تموت حرگه.
امتياز:: وينه ابني طردته موو الله لاينطيك يا ماتخاف الله كون يحترگ گلبك ويموت اعز............
