شفتها مجروحه عينها مزورگه رگبتها اثر اصابع خدودها اثر اصابع عضم خشمها احمر من فوك لزمت اديها نار كعدت بصفها على الكرسي امسح على خدها وهمست.
سدير:: شتاقيتلچ يا عروگ اديه.
ذابه نفسها ولا حركه ماعرف ليش شفت بوجها وجه شهد بالمستشفى بدون وعي ضغطت على ايدها عقچت ملامحها.
رخيت ايدي وبوست ايدها وضليت امسح على شعرها افكر شلون الي گلب يأذيها وهيه روحي طلعني من.
تفكيري ايات من دخلت فاتحه عيونه دخل بارق وراها باوعلته ورجعت باوعتلي وگالت.
ايات:: البقية بحياتك.
سدير:: حياتچ الباقيه.
گمت فتحت الباب وقبل ما اطلع باعتلها وحچت بتحذير وعيني عليها وعلى بارق.
سدير:: ديري بالچ عليها ولتگليلها جنت موجوود ماشي باررق.!؟
هزت راسها طلعت قبل بارق وشفت علي وخلف دخلو لردهه ثانيه طلعت لسيارة انتضر بارق شويه وطلع صعد يسوق.
سدير:: موگتلك لتخليها تعرف.!؟
بارق:: من شافت علي وخلف جاين خافت على ضي ودخلت ركض.
سدير:: بس دخلو لغير ردهه.!؟
بارق:: دخلو معتصم لردهة الكسور هاي شمسوي بي وجهه مينعرف.
سدير:: من العصر علسته شني متفطنين.!؟
بارق:: الله اعلم انته وين شامرة ستوهم لگو.!؟
طلعت جگارة وخليتها بحلگي وافكر بيها و بوضعها يمرد الگلب داس بريك من گلت.
سدير:: بارق ارجع حقق بقضية اسماعيل بس بدون محد يعرف.
اني احچي وبارق حلگه وصل لأذانه من الفرح.
بارق:: والعباس ابو فاضل احبك انته ارويحتي.
سدير:: واياتك شنو.!؟
بارق:: ام الجهال غير.
رجعنه للبيت سبحت وذبيت نفسي ونمت.
ــــــــــــــــــــــــــــــــــــــــــــــــــــــــــــــــــــــــــــــــــ
ضي:: حسيت على صوت علي وايات لحضه علي شجابه هنا عدلت نفسي اجتي ايات لزمت وجهي.
ايات:: صباح الخير حبيبتي شلون صرتي بعدچ موجوعه.!؟
هزيت راسي وگف گدامي علي وگال بلطف غريب عجب.
علي:: حمد لله على السلامة كلتلي ايات على هاذا العار بس ربچ مايگطع متعرضله واحد وعالسه علس حتى ملامح وجهه ماتنعرف مكسر.
