سدير:: ابوها متخربط بس من صيحت گالت شلون يضربها.
عزيز:: ماعرف بس اكيد احد يخصها يلا نشرب شي ونرجع لشركة.
سدير:: اممم ماشي..
ايات:: وصلت للمستشفى لاگتني امي تبچي ها يمه وينها شبيها احچي فدوه اروحلچ.
شيماء:: ولچ يمه يخيطون بجرحها شويه عن عينها چان نطفت سوده عليه فاقدت بدرب وجها مورم.
من الضرب خشمها وحلگها دمايه اوف يا ايات اجت نبراس تفرفح راحت ضي يمه لگيتها مدده.
متحرك لارجل ولا ايد الله يكسر ايده عمها مجرم ياي يمه شوفي عمچ مافهم عليه.
ايات:: بس خليها تصحه اله اخذها تشتكي عليهم سهلة رحت ل عمو اسماعيل گاعد وكاض راسه.
گعدت گباله واشرله نشاالله مابيها شي يهز براسه ويبچي رحت جبلته مي طلعت الدكتوره وگالت.
اكدر اعرف شني صاير وياها لأن وجها مورم مبينه متعرضه لضرب وهيه ماحچت شي خطيه زغيره ليش هيچ.!؟
ايات:: يي دكتور...... قبل لا اكمل جرني عمي ويأشر گالت امي.
شيماء:: لا دكتوره اخوها انطاچ عمره وهيه نفعلت عليه لأن كلش تحبه هسه نگدر نشوفها.
يي حتى تگدرون تخرجونها بس يخلص المغذي وديرو بالكم عليها عدها العافيه يارب.
ايات:: شكراً دكتوره دخلنه گاعده وصافنه على الشباك ابوها حضنها ويبچي وهيه ولا رد فعل ابد ماتحركت.
شيماء:: يمه ضيي شلون صرتي احسن يگلبي.
ضي:: نفسيتي تعبانه لدرجة گوه اسحب النفس ابوي يبوس بيه ايات متريد تخليني اشوفها تبچي
رديت على خاله شيماء زينه يمه اريد ارجع للبيت.
ايات:: احم مو حبيبتي خلي يخلص المغذي ونطلع للبيت هزت راسها بس ملامحها بارده وحتى اسلوبها رحت گعدت بصفها امسح على ضهرها.
ربع ساعة خلص المغذي وطلعنه طول الطريق ساكته احسها موطبيعية وهيه من تكتم بگلبها تتخربط.
وصلنه البيت صعدناها اني وامي لغرفتها گتلها ضيوو اسبحي بس جسمچ اني اطب وياچ هزت.
راسها اخذتها للحمام وسبحتها ولبست ولگيت امي مسويتلها عصير.
شيماء:: يمه ضي اشربي هاذه العصير ترد روحچ وانه رايحه للبيت عمچ وحده واخاف عليه وهاي ايو يمچ.
ضي:: تسلمين حبيبتي مشكوره اخذي راحتچ.
شيماء:: يبعد روحي يايمه عدچ العافيه يلا يمه ايو ديري بالچ على اخيتچ.
ايات:: ماشي يمه راحت امي شربت نص العصير وتمددت ها ضيوو شلون صرتي احسن.
ضي::امم مابيه شي اجيت اتمددت يمي وگالت.
