بليل الساعه ب 8 الكل گاعدين اني وتبارك نسولف ومندمجين لحد ما دخل سدير وضرغام گامت امتياز تهلهل وفرحانه وتبوس بضرغام هيه وتبارك وغدير و ابوه وزكيه.
بس ترافه لازمه گلبها وعيونها على سدير باوعتله ملامحه هادئة وطبيعي اجه سحبني وصعدنه لغرفتنه فتح الباب دخلنه ودفعني على الباب ويحچي من بين اسنانه.
سدير:: ضييي من تشوفين ضرغام جووه متنزلين ولا تختلطين بي تگعدين يمي وتگومين وياي ابد لتبتعدين عني فاااهمه.
هزيت راسي باس خدي راد يحچي ودگ الباب وخرني ودخلت امه معصبه وصاحت بوجهه بحرگه وصياح.
ترافه:: سديير شني الخلاك ترجعه لييش.
لزم اديها يبوس بيهن ويحچي بهدوء عكس ملامحه المتشنجه.
سدير:: ترافة گلبي على كيفچ اهدي رجعته لحساب غدير خطيه تبچي عليه وهوه هم اعتذر وماعندي احد وياي بالشركة عزيز وبعد مايرجع واني محتاجة.
سحبت اديها ولزمت راسها وتفتر بالغرفة وتهمس بكلام ما مفهوم رحت لزمت چتفها باوعتلي والدمعه بعينها همست گدامي بقهر.
ترافه:: بده شغلهن على ابني راح اخسره اااخ ياضي.
بست راسها وحچيت بهمس.
ضي:: اكيد راح نلگه حل بس اهدي وباعي سدير شلون مستغرب خليچ طبيعية وبعدين نحچي.
هزت راسها وراحت حضنت سدير حضنها مستغرب نزلت قبلنه باوعلي بشك واجه وگف گدامي نزل راسه وقلص عيونه وحچه بشك.
سدير:: ولچ شعندچ انتي وترافة گلبي.!؟
ضي:: ولا شي.
راد يبوس شفتي درت وجهي دخل الحمام سبح وطلع لبس تراك مشط شعرة وخله عطر وكل العادة خلالي ويا.
سحبني من ايدي ونزلنه الكل گاعدين ومكيفين بضرغام صعد سبح ونزلن حلو ومرتب بس نضراته وشكله مو راحه.
گاعدين على العشى وگفت اللگمه ابلعومي من حچه ضرغام وعيونه عليه وسدير الله يسلمه طحن ايدي طحن بأيده.
ضرغام:: اگلچ ضي اني شايفچ مرة ويه عزيز وچنتو حيل قريبين من بعض بيبي ماتذكرينها بالمستشفى من دخلت علينه واخذت عزيز.
زكيه:: وجها مألوف بس ما اذكر وين شايفتها يمكن صدگ بالمستشفى بس انتبه من تحچي شني قريبين هيه وعزيز ترى هاي مرت اخوك.
باوعلي وعلى وجهه ابتسامه مستفزه يحچي ويجر الكلام جر.
ضرغام:: والنعم من مرتت سديير.
دخيل الله تمنيت افلش وجهه هسه شذكرة بعزيز وشيخلصني من سدير الي مرد ايدي اسحب بيها ويضغط اكثر عليها.
