صعدو سيارته شويه و وصلو محل ذهب چبير نزلت هيه ويا دخلو نزلت ودخلت وراهم وگفت على صفحه طلع حلقات ويخيرها.
اختارت وحده اخذها منها ولبسها بيدها.!؟
ااااخ ضيي شجاي اسوين منو هاذا دخيل الله باع شلون تضحك ويا.
وهوه تليفونه كل شويه يدگ وگفت ورى والولد بس شافتني بهتت ملامحها ابتسمت بوجها بسرعة حچت..
ضي:: مصطفى خلينه نطلع هاي المودلات محلوه نرجع غير مره وانته جاي يتصلون عليك خلينه نرجع بعدين لو بليل.
مصطفى:: لا حبيبي هاي عجبتني واكي...........
قبل ميكمل سحبته من ايده وطلعت بسرعة حلو مصطفى وضييي صعدو بالسيارة لحگتهم بس نار براسي للحضه اجتني فكرة ادوس بانزين واگلبهم.
بقيت امشي وراهم لحد ما وصلها گدام صالون نزلت دخلت وهوه طلع گبل طلعت جگارة كملتها نزلت دگيت باب الصالون طلعتلي وحده سمره اطگ بعلچها.
:: هلا ومية هلا تفضل عندك حجز.!؟
سدير:: اكو بنيه قبل شويه دخلت لابسه اسود اسمها ضي ممكن اصيحينها شويه.
:: ومنو انتن وتسأل على ضينه.!؟
ضينه شنو تعرفها مسحت وجهي اكتم اعصابي.
سدير:: اني گرايبها وضروري اشوفها ممكن اصيحينها.
:: ماشي انتضر اصيحهاا الكك.
شوية وطلعت وگفت گبالي عيونها تلمع وتاكل بشفتها عطرها دخل ريتي صايره احلا مدري لأن ماشايفها كل هاي المده.
سدير:: مو گتلچ لو تروحين لأخر العالم هم الگاچ مو گتلچ لتروحين خليچ قريبه مني كسرتي كلامي واجيتي هنا.
وجها بدون تعابير بس دموعها نزلت ومستمره تاكل بشفتها.
سدير:: تعالي نحچي بسيارة.
هزت راسها ودخلت شويه وطلعت تمشي گدامي وشعرها يلعب بي الهوه صعدنه بالسيارة وطلعت گبل.
, , , , , , , , , , , , , , , , , , , , , , , , , , , , , , , , , , , ,
ضي كتبت رسالة ل ايات وخاله شيماء واخذت غلاضي وطلعت الصبح قبل ليگعدن لواسط غصب عني رحت وطول الطريق ابچي راح ابتعد عن امي شيماء واختي ايوو.
عن ابوي ولو ميريدني بس احبه اربع ساعات وصلت واسط والمنطقة البيها خالتي بقيت افتر وادور شغل لحد ما طاحت رجليه.
اول مطعم بس باليل يفتح والمطعم الثاني ميشغل بنات مريت من گدام فندق معلگين لافته محتاجين موضف.
دخلت كله شباب وشقى وضحك وصوت عالي والفاض رخيصه دخلت سألت بصالت الاستقبال واحد وجه يخوف ويحچي بثگل ونضراته من صدري وفوگ.
