ضي:: ايووووووو.
ما احس غير راشدي استقر على وجهي وكفشه من شعري.
ايات:: الحقيرة الزفرة النذلة الدايحة شبعتي دياحه واجيتي مووو.
شيماء:: يمه كسر ليدچ عوفيهاا ياا اياات ولچ هاي ضي يمه.
ايات:: ادري هاي نعاله شعدها جاي الدايحه عمو اسماعيل المن جبتها يلا اطردها.
حضنتها وگامت تبچي بصوت عالي ادري بيها مشتاقتلي بس مخبله.
ايات:: اااه حبيبي والله العظيم مشتاقتلچ ياعمري يروحي يگلبي ياعيوني فدوة لهالوجه بعد ما اخليچ اتروحين اذبحچ غير يا زباله ام الگمل.
ضي:: هههه لا ما اروح انام على گلبچ النعاله ليش ضربتيني.
وخرت عني وتبوس بوجهي.
ايات:: مو هاذا نذر عليه وسويته بس ترى مو حيل لتكبرين الموضوع.
وخرت عنها ورحت حضنت شيماء وابوس بيها وهيه تبچي گعدنه نسولف ونضحك حسيت نفسي كامله بوجود ايوو وخاله شيماء.
ضي:: ياا خلي اخابر خاله منار نسيت.
شيماء:: يي يمه خطيه ليضل بالها عليچ
هزيت راسي ورحت على صفحة خابرتها ومعين ومصطفى يصيحون ليش رحتي وراح نجي نرجعچ شبعت ضحك عليهم كملت الاتصال رجعت يمهم.
شيماء:: خويه ابو ضي اخذ ضي وروحو للبيت لتبقون هنا تنسلب راحتكم.
ضي:: يي بابا حبيبي روح للبيت ارتاح اني ابقى هنا يمهم لتخاف عليه.
هز راسه باسني وطلع وايو حاضنتني ومكيفه بيه ساعه تغلط وساعه تبوس متت ضحك عليها.
شيماء:: يمه ضي هستوچ جايه من مكان بعيد ليش مارحتي للبيت ترتاحين.
ضي::حبيبتي راحتي من راحتچ انتي وايوو.
شيماء:: يمن فدوه اروح لعيونچ حبيبتي انتي.
ايات:: يمه انتي ادخلي تمددي جوه من الصبح لحد هسه على فرد وكفه ادخلي يعمري.
شيماء:: يي والله يمه خلص حيلي اروح اتمدد..
دخلت خاله شيماء وضلينه اني وايوو نحچي على نبراس ودگ تليفوني سدير اوو دخيل الله مو وكته.
فتحت خط وثنينه ساكتين اسمع انفاسه جاي يشرب جگاير ومن الواضح معصب سد الاتصال.
هاذا سكوته اذا ما طلع ورى ضيم وضلايم اطلع كلشي ما افهم.
ايات:: شو ماحچيتو.!؟
ضي:: وهاذا اليخوف يا خيه اذا ماطيح حضي عاتبيني.
ايات:: ترى هالسدير يخوف اني ما ارتاحله احسه مريض نفسي عنده انفصام خيه يخوف.
ضي:: عوفينه منه هسه تعاي حيري ب نبراس الي ماتحاچيني ولا طلع گدامي اذا بدايتها هيچ بعدين شيصير.
