ضي:: وخر عني.
وخر ولزم وجهي بأديه ابتسم بوجهي وگال.
سدير:: هه ماگدر اوديچ واعرف المخطط الي براسچ مستحيل تروحين ضييي ليش بعد ماتصلح كلشي تريدين تعوفيني.!؟
باوعت بعيونه واحاول اضيع خوفي من قربه وكلامة.
ضي:: ماكو مخطط براسي گتلك اروحلها لأن مشتاقتلها.
يبست بدمي من گلي.
سدير:: اثبتيلي ماكو مخطط براسچ.
باوعتله بعدم فهم رجع حچه.
سدير:: احلفي بروح عبدالله ما ناويه تروحين و اطلبين الطلاگ وتخليني تحت الأمر الواقع.!؟
بهاذا كلامه حاصرني من كل الجهات خليت عيني بعينه وحچيت بكل هدوء.
ضي:: فعلاً هاذا چان مخططي بس كشفتني وهسه وخر عني.
وخر عني وضحك بصوت عالي وعصبيه ولازم راسه.
سدير:: ههه جااي تصعبينها علينه ضييي حبيبي روحه ماكو وطلعه من البيت هم ماكو فاهمه حبيبي.!؟
غلست وبقيت الم بملابسي عتني حيل من خصري ولزگني بصدرة خليت اديه ادفع بي همس بعصبيه.
سدير:: گلت روحه ماكو ليش بعدچ تعانديني رجعي الملابس لمكانهن بسرعهة لتخليني.. استغفرالله.
باوعت بعيونه وحچيت بتعب.
ضي:: تعبت منك ومن نفسي من حياتي تعبت حيل ماعاد عندي طاقة تحمل خسرت كلشي لا اب لا ام لا اخ لا اخت فشلانه زعلانه مقهوره عوفني لا ما اريد اطلگ بس خليني هاي الفترة بعيده عن كلشي يقهرني.
حضني حيل لصدره وگال بهدوء.
سدير:: ادري بيچ تعبانه واني اكثر شخص اذاچ هاي الفترة بس وغلات عيونچ ما اگدر من دونچ انتي كلشي حلو بحياتي ادري الاعتذار ميصلح شي بس وعد راح اعوضچ عن كلشي بس انطيني فرصه.
دفعته وخر عني حچيت بهدوء واصرار.
ضي:: سدير تاخذني لو اروح وحدي..!؟
سحب نفس بصوت عالي وعصبيه وفلش ايده بالحايط يضرب بي اكثر من مره صاح بوجهي.
سدير:: الچ اسبوع يمها غيره الاسبوع ماكو ب 3 نطلع.
گال هيچ ودخل الحمام كملت غراضي وخليت الجنطه على صفحه وگعدت راسلت خالتي منار گتلها جاين.
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
سدير:: داخل جوه المي ونار بداخلي يعني بعد ماتصلح كلشي تريد تروح عني ايدي توجعني بس گلبي اكثر وجع اصرارها ما مريحني.
