گعدنه ننتضر لحد ل12 ونص اجاني اتصال مرد روحي مرد.
رقم:: الوو انتي ضي اسماعيل.!.
ضي:: يي اني تفضل منو.!.
رقم:: تعالي للمركز ابوچ موقوف بهتمة الاغتصاب والقتل.
گال هل كلام وسد الاتصال حسيت روحي خلصت ايات تهز بيه تريدني احچي.
ضي:: ابوي بالمركز موقفينه ب بتهمة ا ااغتصااب وقتل.
خلود ضربت على صدرها وگامت تعيط.
خلود:: يمه ياا شني موقوف يااغتصاب ياقتل دخيل ربچ ضوويه تعرفين شجاي تحچين.
ايات:: اكيد اكو سوء فهم امشي خلينه نروح وهم اتصل على بارق بلكي يساعدنه ضي احچي وياچ يمعودة هيييوو.
ضي:: ها يلا خلي نبدل ونطلع.
صعدنه تلاثتنه بدلنه وطلعنه للمركز وطول الطريق ايات تتصل على بارق ميرد اخر مرة غلق جهازه.
ايات:: هاذا من كل عقله ليييش ميرد لا وانوووب غلق جهازه خرب حظي كلها تلتم.
ياربي شجاي يصير وياي اخلص من مشكله اوگع بغيرها لا اخ لا سند وين اروح هسة وصلنه المركز ونزلنه لاگانه شرطي سألته.
ضي:: السلام عليكم خويه اگو موقوف بأسم اسماعيل شاكر.!؟
الشرطي:: تفضلي لغرفة الضابط واسألي.
هزيت راسي ومشينه ورى دگ الباب ودخل شويه وطلع دخلنه گعدنه گدام الضابط اول ما سأل عليه استغربت.
الضابط:: منو بيچن ضي.!؟
ضي:: اني سيدي اگدر اعرف شنو تهتمة ابوي.!؟
شبك اديه وخلاهن على المكتب وعيونه عليه مانزلت عيوني منه منتضرته يحچي ويخلصني.
الضابط:: ابوچ متهم بأغتصاب وتعنيف وقتل بنيه جامعية وفوگ هاذا كله ينكر.
ماجاي استوعب كلامه اغتصاب وقتل وابوي يسويها مستحيل.
ضي:: اريد اشوفه وافهم منه.
الضابط:: متكدرين اشوفينه لأن اهل البنيه معروفين وميريدون احد يشوفه ويحچي ويا قبلهم.
وگفت وصحت بضابط بعصبيه وصياح.
ضي:: اريييد اشوف ابوي شنو ماگدر.
ضرب ايده على المكتب وعاط بيه وعيونه تجادح عصبيه.
الضابط:: صوووتچ انتي مو ابيت الخلفچ حتى اصيحين بوجهي مو كافي ابوچ مغتصب وقاتل.
تقربت وخليت اديه على المكتب مقابيله ودنگت وحچيت بكل جسارة املكها.
ضي:: هاذا الي اتسمي مغتصب وقاتل اشرف منك ومن امثالك.
