ايات:: الووو.
من سمعت صوتها اختنگت ونزلت عليها غلط وفشاير بدون وعي.
ايات:: ياكلبه ياحقيره يا بربوگ يا نذله يا دايحه يا زفره يا قذره اله اشگ حلگچ بس اشوفچ شبعتي دياحه وستوچ متصله.
لا ليلي ليل ولانهاري نهار حالي حال الچلب وخشمي وعيوني سويه ام الوصخ الص××× الگح×× لضحكييين نعاااله.
احچي بصياح وبچي بيداء وحسين واحد يباوع بوجه الثاني وهيه اسمعها تضحك وتبچي گعدت بالگاع ابچي.
ايات:: ضي العاره ارجعييي شهگه والله مشتاقتلچ يعمري انتي وين شلونچ وين رحتي وعفتيني والله گلبي طاگ عليچ.
ضي:: وروح عبدالله اني اكثر مشتاقتلچ حتى يوميه باليل اگعد ابچي على صورنه اني زينه ومابيه شي انتي وخالتي شلونچ.
ايات:: يي الدايحه طبعاً مابيچ شي وزينه چا مثل حالي احنى زينات وكلشي مابينه انتي وينچ بيامنطقه.!؟
ضي:: اني زينه واشتغل لتخافين عليه وماناقصني شي.
ايات:: اكليخرا واحچي انتيييي ويييين حيوانه لتتهربين بس گليلي انتي ويين.
ضي:: بواسط.
ايات:: بواسط يم خالتچ بس من اتصلت عليها كالت ما اجتي شنو يعني انتي يمها وموصيتها متحچي.!؟
ضي:: لا انتي اتصلتي عليها الصبح اني رحتلها باليل يعني من اتصلتي فعلاً اني مو يمها.
ايات:: الكلبه وعلي مشتاقتلچ يعمري انتي ضيووو الحيوانه عليچ العباس ارجعي.
بقينه نحچي وبيداء وحسين طلعوني سحل وعزلو واني گاعده على الرصيف ونازله بيها دگ غلط وشتايم.
ايات:: شوفي الدايحه ترجعين لا اشگچ شگ وانعل......
قبل مااكمل گعد بصفي بارق هاذا منين طلعلي هسه صافنه بوجهه رفع حاجبه وگال.
بارق:: كملي.
ايات:: ااا يلا يمه جايه بعدين نحجي اوك لا ابد.
سديت الاتصال وگمت انفض بملابسي وهوه هم گام.
بارق:: تعالي اوصلچ بطريقي تأخر الوقت.
هزيت راسي ومشيت ويا فتحلي الباب صعدت وهو دگ تليفونه ابتعد عن السياره وجاوب شويه واجه صعد ويسوق خله جگارته بحلگه.
بارق:: شلونچ شخبارچ.
ايات:: الله يسلمك زينه وانته.
بارق:: هسه زين الحمدلله.
بقينه ساكتين كمل جگارة وسحب الثانيه مبين ضايج من اجا الاتصال.
