غدير:: لاا عمه بس شويه مالي خلگ حبيبتي لا تخافيين.
هزيت راسي بوستها ودخلت غرفتي گامت تبارك انطتني علاج وتمددت وغطتني باست راسي ورجعت تقراء.
وانه بالي كله يم غدير وامتياز وغرفة سدير منو طبها وليش ريحتها غريبه ومو طيبه گلبي يلعب گمت توضيت وگعدت أقرأ قرأن.
بكلي يرتاح گلبي ويتمم زواج ضي من سدير تبارك كملت ونامت وانه ضليت منتضرة سدير لحد ما اجه صدقت ونزع چادر الصلاة.
ورحت لغرفته فتحت الباب لگيته متمدد ومخلي ايده على عيونه شويه الغرفه ريحتها متغيرة سديت الشباك عدل كعدتة وگال.
سدير:: شنو هاي الريحه رطوبه مدري شنو منو طاب غرفتي.!؟
گعدت بصفة ولزمت اديه.
ترافه:: انه اخذت ملابسك الوصخه للغسل وفتحت الشباك والسبلت حتى يتغير الجو عوفنه من الغرفة ضي نطبلها منين.!؟
نام على رجلي خليت اديه بشعرة غمض عيونه وگال.
سدير:: نطلبها من خالتها باچر جايه انشاء الله يتم كلشي باچر واجيبها هنا وگدام عيني ليل ونهار وتتحقق امنيتچ واصير عندچ چنه.
ترافه:: بس راح تجي غصب عنها وراح تعاني هواي بهاي العائله.
گام من رجلي ولزم اديه ويحچي بأنفعال.
سدير:: انتي وياها خط احمر بهاذا البيت منو يگدر يحچي وياچن واني موجود افصم ضهره وعلي وبعدين انتي تحبينها وراح تحمينها بغيابي صح.
ترافه:: احطها بعيوني و احميها بروحي يتيمه ومالها احد وفوگ هاذا كله مرتك شلون ما ادير بالي عليها.
حضني ويبوس براسي بس ملامحه ضايجه ايده حمرة لزمت وجه بين اديه.
ترافه:: شبيك ضايج حبيبي وايدك شبيها وين رحت وشسويت.!؟
سدير:: چنت يم بارق وايدي نضربت بالسيارة وماضايج بس مشتاق لشهد واريد اعرف منو الي حرمنه منها وليش احنى ماعدنه اعداء من مصلحت منو هالانتقام.!
نعصر گلبي من كلامة لزمت اديه وعيوني تجارة والكلمة گوه تطلع مني.
ترافه:: اااخ ياشهد سودة بوجهه الي حرمني منها الله يحرمه من الهوى ويحترگ گلب امه مثل ماحرگ گلبي سدير يمه ابو ضي ماله ذنب ليش ماتتنازل عنه خطيه ضي ماعدها غيرة.
سدير:: خلينه نجيبها وتصير على اسمي وبعدين افكر بموضوع ابوها.
ترافه:: وليش تفكر ليش ماتنفذ ترى الرجال ميسويها هم عندة بنات ويخاف الله ومبين عليه فقير.
لزم وجهي وهمس مثل واحد حذر.
سدير:: ماريدة يطلع هسة لأن بارق رجع فتح القضية وجاي يحقق بيها هوه ومهدي وما اريد اي شخص يدري بهاذا الكلام.
KAMU SEDANG MEMBACA
لم يكن ذنبي.
Romansaرواية واقعية: بقلمي ريام فاروق. جريئة حزن حب اتنقام رومنسية
