ضي :: الي مثلك ميستاهل فرصه ثانيه تصبح على خير.
سدت الاتصال قبل ما ارد عليها غمضت عيوني وتذكرت كل لحضه وياها گمت غيرت ملابسي واخذت سيارتي وطلعت.
سدير:: انتي جبرتيني ضييي تحملي عواقب عنادچ وتسرعچ.
باوعت لساعه وحدة ونص واني رايح لواسط طول الطريق ونار بداخلي وصلت ب 4 ونص الفجر دايخ وعيوني توجعني ركنت السيارة بعيد عن بيتهم.
ورحت طفرت من الحايط حاولت افتح باب المطبخ ما نفتح الصاله هم كذالك رحت للاستقبال وبس دفعته نفتح الباب.
سدير:: هاي صدگ.!؟ شهل الاهمال مخلين الباب مفتوح.!؟
دخلت على كيف وسديت الباب وراي دخلت من الباب الثاني بنص الصاله ماكو احد الاضويه طافيه صعدت لغرفتها الباب ماقافلته حيل عصبت.
دخلت وقفلته على كيف شغلت الاضويه چانت لابسه دشاشه قصيرة وذابه نفسها بدون غطه شعرها وراها گعدت بصفها امسح على خدها عقچت ملامحها همست بأذنها.
سدير:: حليانه البربوگ.
سحلت گلبي من گالت بخدر.
ضي:: نچب ارعنن.
گالت هيچ ونامت على بطنها الادبسز جسمها مغري وهيه بيضه مشيت ايدي على طول ضهرها لحد فخذها وگرصتها.
طفرة والنعاس بعيونها بس شافتني من صدمتها ضربتني راشدي ولازه گلبها وتباوعلي بخوف ابتسمت بوجها.
سدير:: المايجيك تعال ويا شخبارچ حبيبي.!؟
خلت شعرها ورى اذنها واديها ترجف شالت عيونها لساعه وحچت بتوتر.
ضي:: انته شجابك بهل الوقت من كل عقلك جاي هسه وشلون دخلت.!؟
خليت ايدي على شعرها امسح عليه وحچيت بهدوء بس حتى متخاف مني.
سدير:: اشتاقيتلچ وكت الفجر لا هو ليل وينسهر ولا بيه اكمل نومتي.
دارت وجها مهضومه لزمت فكها.
سدير:: ليش باب الاستقبال مفتوح شنو هل الاهمال هاذا وبعدين ليش باب غرفتچ ماقافلته.!؟
ضي:: مادري اني نمت قبلهم وليش حتى اقفل باب غرفتي وانتي شكو جاي.!؟
گمت وگفت گدامها وخليت اديه ورى ضهري.
سدير:: اجيت اخطفچ يلا حضري نفسچ.
گامت وگفت على الچربايه صارت بطولي معصبه وتحچي بهمس.
ضي:: بلا رعونيه اطلع منا لاتخطفني ولا بطيخ يلاا.
تقربت عليها حچيت بصوت مسموع.
سدير:: اجيت مناك لهنا وتگليلي اطبع منا شنو انتي.....
قبل ما اكم خلت ايدها على حلگي وايدلازمه رگبتي وهمست بخوف.
