ضي:: دگ تليفوني عبدالله حچيت ويا طمني زين ومابيهم شي سديته منه يي الحمدلله طمني لأن من الصبح ماكو.
رجع دگ تليفوني بس رقم جاوبت الو اجاني صوته النذل
سدير:: شلونها قليلة الادب.!؟
ضي:: منين جاب رقمي معقولة ايات لا مسويه گتله تسلم عليك يا اثول.
سدير:: اخخ لسانچ بنت الاثول شو انتي ماخذه وجه.
ضي:: يعني بنتك.
سدير::اهااا يعني اني الاثول مو شايفة اذا الزمچ اله اطلع روحچ.
ضي:: اعتذرت منك ونطردت شرايد بعد فارگ ترى مالي خلگك.
سديته منه وحضرته خليت راسي افگر بحضي الفكر ابن الفگر عزيز من صفحة وهاذا الاثول من صفحة وعبدلله من صفحة وشغلي الطار من صفحة.
غفيت ماحسيت بشي لحد آلَصّبًحً حسيت على صياح خلود راسي مصدع لستار طنشت ماگمت مالي خلگ بس من.
سمعتها تصيح على ابوي وتغلط نزلت رگض لگيت ابوي يأشر عليها بمعنى اسكتي صوتچ ونبراس.
خانسه سحبتها من ايدها شكوووو من الصبح شبيها امچ.!؟
نبراس:: تريد خناگ ذهب مثل مالت خالتي حلا.
ضي:: هيييووو خلوووود ترى فضحتينه سدي حلكچ من الصبح تريدين ذهب شبيچ رحمه للخميني.
خلود:: ام الزلم انتي لا تدخلين ترى الزلمه الشفته البارحه مو عبالچ نسيت موضوعه مبين منطيچ ومرضيچ.
ضي:: لزمها ابوي من زندها واشرلها بمعنى يازلمه سحبت ايدها.
خلود:: بتك المحروسه البارحه وصلها واحد بس شلون واحد سيارته شعلاتها وشخصيه وبس بنتك ويا وحدها الله اعلم شصار بينهم.
ضي:: جابها ابوي براشدي عاطت بوجهه بكلام خلتني اسحلها للمطبخ سحل.
خلود:: انته لو شايفهم شلون چانت وضعيتهم چان ماضربتني وصخمت وجهك.
ضي:: گالت هيچ واخذتها سحلل للمطبخ وهيه تعيط شمرتها بالگاع اجتي نبراس اطب دفعتها وسديت الباب.
خلود:: افتحي الباب الگح×× ام الزلم.
ضي:: وعلي ياخلود راسي مسودني وكلامچ سودني اگثر ولچ يا وضعيه شفتيني بيها انتي.
حاطه گورچ وياي شمالچ بس فهمني شو كله عليه مسواگ غراض مدرسين نبراس وعبد الله حتى.
ملابسهم عليه بعد شعدچ وياي اطلع من الصبح ارجع باليل.
اني احچي ونبراس ادگ الباب خلود گامت تعيط وتملخ بروحها ونبراس هم گامت تعيط عبالها اني اضرب بيها.
