အန္တရာယ်ချဥ်းကပ်လာခြင်း
ကားက လမ်းမကြီးပေါ်တွင်ဖြစ်သည်။
ဝေ့ရှီက ကားပြတင်းမှန်မှတဆင့် လမ်းမပေါ်တွင်ရှိနေသည့် ရောင်စုံမီးရောင်များနှင့်လျင်လျင်မြန်မြန်လှုပ်ရှားနေသောပုံရိပ်များကို ငေးကြည့်နေခဲ့၏။ရွမ်ရှောက်နန်က သူ၏laptop တစ်လုံးနှင့်အလုပ်ရှုပ်နေကာ အခြားအောင်မြင်နေသည့်သူများအတိုင်း အလုပ်ထဲတွင်သာစိတ်ရောက်နေပြီး အခြားသူများနှင့်ရောရောထွေးထွေးမနေ။
ဝေ့ရှီက တစ်ချက်လှမ်းကြည့်လိုက်၏။Laptop ပေါ်တွင် ပြေးလွှားနေသည့်လက်ချောင်းများက သေးသွယ်ပြေပြစ်ပြီး အင်အားကြီးမားကြောင်းဖော်ပြနေသယောင်ယောင်။ထိုလက်တစ်စုံက မှောက်သွန်ခုံပစ်လုပ်နိုင်သည့် စွမ်းအားမျိုးရှိနေကြောင်း မငြင်းဆန်နိုင်ဘဲ လက်ခံရလိမ့်မည်။ဥပမာ စီးပွားရေးပင်လယ်ကြီးအား အပေါ်အောက်သွန်မှောက်ပစ်ခြင်း ရှယ်ယာစျေးကွက်ကို ပြောင်းပြန်လှန်ပစ်ခြင်း။နောက်ထပ် ဥပမာမျိုးထပ်ပေးရလျှင် သိန်းသောင်းချီချမ်းသာသည့်မိသားစုများကို ခြယ်လှယ်ခြင်းမျိုး သူမကဲ့သို့သာမာန်မိန်းကလေးတစ်ယောက်၏ကံကြမ္မာကို ဆုတ်ကိုင်ထားခြင်းမျိုး။
ကားက တဖြေးဖြေးနှင့် မြို့၏အတွင်းဘက်အကျဆုံး ဆိတ်ငြိမ်ရာအရပ်ဆီသို့ မောင်းဝင်လာခဲ့သည်နှင့် ဘေးဘက်တွင်မြင်နေရသည့်အရာအားလုံးက တန်ဖိုးကြီးအလှဆင်ထားသည့်အရာများသာဖြစ်လာ၏။
ထိုယောက်ျားက သူ၏laptop ကို ဘေးသို့ချထားလိုက်ပြီး ဘေးတွင်ထိုင်နေသည့်ကောင်မလေးဆီသို့ လှည့်ကြည့်လာ၏။ဝေ့ရှီက ပြတင်းပေါက်အပြင်ဘက်ကိုသာ ငေးကြည့်နေဆဲဖြစ်ပြီး သူမ၏အကြည့်များက တစ်နေရာထဲတွင်သာပုံသေနေခဲ့ခြင်းဖြစ်၏။
ဝေ့ရှီအနေဖြင့် ထိုယောက်ျား၏ဘဝအကြောင်းကို တစ်ခုတစ်လေလေးမျှမသိ သူဖြစ်နေပါသည်ဆိုသည့်အချက်တစ်ခုတည်းသိ၏။သို့သော် ယနေ့ညတွင် မိန်းကလေးတစ်ယောက်၏ဘဝတွင်တန်ဖိုးထားရလောက်အောင် သတိရနေတော့မည့်အမှတ်တရကို ထိုအမျိုးသားအား ပေးပါတော့မည်။
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။