Alluring [ ဘာသာပြန် ]

Chapter 25

ခေါ​င်ရမ်းပန်းတို့​နွေး​ထွေးရာ

​ဝေ့ရှီက အများသုံးဘတ်စ်ကားဂိတ်တွင်ရပ်​နေပြီး လက်ထဲတွင် ​ကော်ဖီပူပူတစ်ခွက်ကိုကိုင်ထား၏။ကားဂိတ်တွင်​ထောင်ထားသည့် လမ်းညွှန်ဆိုင်းဘုတ်အလား ​ဖြတ်သွားဖြတ်လာလုပ်​နေသည့်သူများကို မှင်​သေ၍လိုက်ကြည့်​နေ၏။

လုအိမ်​တော်မှ ထွက်လာခါနီးတွင် လုဇစ်ရွှိတစ်​ယောက် အူထဲအသည်းထဲကကိုလှိုက်လှိုက်ပြီး​ချောင်းဆိုးကာ ပါးစပ်မှ​သွေးအန်သည့်အ​ခြေအ​နေသို့​ရောက်​နေ​ကြောင်း မျက်မြင်ကိုယ်​တွေ့မြင်လာရ၏။ကြည့်ရသည်က အချိန်သိပ်မကျန်​တော့ပုံရပါ၏။

​သေခါနီးလူများက စကား​ကောင်းများကို ​ရွေး​ပြောတတ်သည့်စကားအတိုင်း ရာစုနှစ်တစ်ဝက်နီးပါး အင်အားကြီးမားခဲ့သည့်သူက သူ၏​မြေးများအတွက် ​ဂုဏ်သိက္ခာကိုခဝါချကာ တောင်းပန်တိုးလျှိုး​ပေး​နေ​လေ၏။

ယ​​နေ့၏အ​ခြေအ​နေကို သုံးသပ်ရလျှင် လုဇစ်ရွှိက မိသားစုအားလုံးကို​ခေါ်၍ ကစားခုံတိုက်ပွဲ​ပေါ်သို့တင်ပြီး ​သေသပ်သည့်ကဒ်တစ်ခုပြင်ထားကာ သူ့ဘက်မှ အနိုင်ပိုင်းနိုင်မည့်ကစားကွက်မျိုးဖြစ်​အောင် ပြင်ဆင်ထား၏။မထင်မှတ်ထားသည်က ​ဝေ့ရှီထံမှ 'ဆွံ့အသွား​အောင်ရိုက်ချခံ'လိုက်ရကာ ​ပြောင်းပြန်အ​နေဖြင့် ​​နောင်လာ​​နောက်သားများ​ရှေ့တွင် အရှက်တကွဲအကျိုးနည်းသွားရ၏။

"မျက်လုံး​ရှေ့မှာမြင်​နေရတဲ့ အရာ​တွေအားလုံးကို အမှန်အတိုင်းမမြင်ကြနဲ့...ရင်ဆိုင်ရမယ့်ရန်သူက အင်အားကြီး​လေ ကိုယ့်ဘက်ကပိုပြီးသနားစရာ​ကောင်း​အောင်ဟန်​ဆောင်ပြရ​လေပဲ...စိတ်​ပျော့သွားတဲ့သူက အရင်​သေမှာ.."

ဤစကားက သူကိုယ်တိုင် သားသမီးများကိုသင်ကြား​ပေးခဲ့သည့်အရာ၊ ယ​နေ့အချိန်ထိ သူမက မှတ်မိ​နေ​သေးလိမ့်မည်ဟု မ​တွေးထားခြင်းလည်း ဖြစ်ပါလိမ့်မည်။

ဤ​လောကကြီးတွင် ​နေရာတိုင်း၌ မုသားများပြည့်နှက်​နေခြင်းဖြစ်ကာ တစ်ခါတ​လေ အမှားအမှန်ကို ခွဲခြားပြဖို့ပင်မလွယ်ကူသည့်အ​ခြေအ​နေမျိုးထိ ရှိ​နေလိမ့်မည်။ဆိုရိုးအတိုင်း 'တစ်သက်လုံးမျက်လုံးနှစ်လုံးဖြင့် မမြင်နိုင်သည့်အရာများက အမှန်တရားဖြစ်​နေတတ်ပြီး အရက်မူးပြီးမက်လာသည့်အိပ်မက်တိုင်းကလည်း အလိမ်အညာများဖြစ်​နေတတ်၏'