မင်းနဲ့တန်တယ်လို့ ထင်နေတာလား
"နင် လုပ်တာမလား"
ရွမ်ရှောက်နန်က ထိုင်ခုံထက်သို့ပြန်ထိုင်လိုက်ကာ လက်ချောင်းသွယ်သွယ်များကိုတစ်ဖက်နှင့်တစ်ဖက် ခေါက်ထားလိုက်ရင်း ဝေ့ရှီကိုကြည့်၍
"ကိုယ့်ကို ဟုတ်တယ်လို့ဖြေစေချင်တာလား..မဟုတ်ဘူးလို့ဖြေစေချင်တာလား"
"ငါ အမှန်တရားကိုပဲ နားထောင်ချင်တာ!.."
ရွမ်ရှောက်နန်က ပြုံးလိုက်ပြီး
"သေချာပေါက် မဟုတ်ဘူးပေါ့...မင်းဘယ်လိုများ ဒီလောက်ထိတွေးပစ်လိုက်ရတာလဲ...ကိုယ်ပြောပြဖူးတာမှတ်မိသေးလား အထက်တန်းလွှာမှာစည်းမျဥ်းတစ်ခုရှိတယ်လို့လေ..အဲ့ဒါက ကိုယ့်လက်ကို ဘယ်တော့မှသွေးမစွန်းစေနဲ့တဲ့..ဒါပေါ့ ဒါမျိုးကိစ္စတွေက ကိုယ် ကိုယ်တိုင်လုပ်စရာမလိုဘူး...သင့်တော်တဲ့သူကို ရှာလိုက်ရုံပဲ...သတင်းကိုသာ လွှင့်လိုက်ရင် ပိုက်ဆံအတွက် ဒုက္ခခံပေးမယ့်သူတွေရှိပြီးသား...နောက်ပိုင်းကိစ္စကို ထိုင်ကြည့်နေရုံပဲလေ...ကိုယ်တိုင်လုပ်နေစရာကိုမလိုတာ.."
ဝေ့ရှီ၏နှုတ်ခမ်းများက တဆတ်ဆတ်တုန်နေကာ
"ဒီလောက်ကိစ္စကြီးဖြစ်နေတာကို လုမိသားစုကလူတွေ ဘာလို့ငါ့ကို လာမရှာတာလဲ"
"ရှာရင်လည်း ရှာမှာပေါ့...ဒါပေမယ့် အဲ့အချိန်တုန်းက ကိုယ်တို့က 'လီကျန်း'မှာလေ..ကိုယ်က သူတို့မင်းကို နှောက်ယှက်မှာစိုးပြီး လုအိမ်ကလူတွေရဲ့ဖုန်းနံပါတ်တွေအားလုံး မင်းလက်ခံဖြေလို့မရအောင် လုပ်ထားလိုက်တာ...မင်း ကိုယ့်ကို အပြစ်မတင်လောက်ဘူးမလား.."
ဝေ့ရှီ၏မျက်ဝန်းများ မှောင်မိုက်သွားရကာ အချိန်ကြာအောင်တိတ်ဆိတ်နေမိပြီးမှ
"ဘာလို့လဲ...နင် ငါ့ကိုကတိပေးထားတယ်လေ..."
ရွမ်ရှောက်နန်က သဘောတကျအော်ရယ်လိုက်ကာ သူမအားလှောင်ပြောင်သလို စိုက်ကြည့်လာပြီး
"မင်းကိုမင်း ဘယ်သူလို့များထင်နေတာလဲ"
"ဘာ?..."
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။