အချစ်ဟုထင်ရသော
ချီမော့က အကြောင်းအရင်းမရှိပါဘဲနှင့် စိတ်လေးလံနေမိ၏။
မျက်နှာကိုမော့လိုက်ကာ ဦးခေါင်းအထက်ရှိ မြင်ကွင်းထဲတွင် ကျဥ်းမြောင်း၍သာမြင်နေရသည့်ကောင်းကင်ကြီးအား မျှော်ကြည့်လိုက်၏။အနောက်ရောင်တိမ်တိုက်များ ဖုံးကွယ်ထားသောကြောင့် လမင်းကြီးကိုအရောင်အဝါများကို မတွေ့ရ။အနောက်ဘက်ရှိနံရံကို မှီလိုက်ပြီး စီးကရက်ကိုမီးညှိကာ တစ်ရှိုက်ချင်းစီဖွာလိုက်၏။
မြေကြီးပေါ်တွင် ဒူးထောက်နေသည့်လူတစ်ကိုယ်လုံးတွင် သွေးအလိမ်းလိမ်း၊ နှုတ်ခမ်းမှအန်ထုတ်လာသည့်သွေးများကလည်း မည်းနက်နေ၏။မျက်နှာတစ်ခုလုံးတွင် သွေးများရွှဲနေပြီး မျက်လုံးများထဲမှကို သွေးစီးကျနေသလို။ ခေါင်းက မြေကြီးနှင့်ထိလုမတတ် ဖိနှိပ်ထားခံရပြီး ပါးစပ်မှလည်း တတွတ်တွတ်ပြောနေပြန်၏။ထိုလူပြောနေသည့်စကားများကို သဲသဲကွဲကွဲမကြားရ။သက်ညှာပေးဖို့ တောင်းပန်နေခြင်းသာ ဖြစ်လိမ့်မည်။
ဘေ့စ်ဘောရိုက်တံကို ကိုင်ထားသည့်သူက ချီမော့ကိုကြည့်လာသဖြင့် ခေါင်းငြိမ့်ပြီးအချက်ပြလိုက်၏။
ဘုန်း!...
အသံတစ်ချက်ထွက်သွားပြီးသည့်နောက်တွင် အရာအားလုံးက တိတ်ဆိတ်သွားခဲ့၏။
ချီမော့က သူ၏စီးကရက်ကို နင်းခြေလိုက်၍ အခြားသူများဆီသို့ကြည့်ကာ
"ရပြီ...သွားမယ်.."
တစ်စုံတစ်ယောက်က မြေကြီးပေါ်လဲကျနေသည့်သူအား တံတွေးထွေးလိုက်ပြီး
"ငါ-ူး...လူပါးဝနေတဲ့ကောင်..."
ချီမော့က တစ်ချက်လှမ်းကြည့်လိုက်ပြီးနောက် ထိုလူအား ခပ်ပြင်းပြင်းတစ်ချက်ကန်ကျောက်လိုက်၏။သတိမပေးဘဲတိုက်ခိုက်ခံလိုက်ရခြင်းကြောင့် မြေကြီးပေါ်ဒူးထောက်လျက် ကျသွားခဲ့၏။
"သူ့လုပ်ရပ်ကြောင့် သူပြန်ပေးရတာ..မင်း ဝင်ပြောနေစရာ ဘာအကြောင်းမှမရှိဘူး..."
CITEȘTI
Alluring [ ဘာသာပြန် ]
Dragoste绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။