ငရဲနှင့်ကောင်းကင်ဘုံကြား အပြစ်ဆေးကြောခြင်းနေရာ သို့မဟုတ် သေဆုံးခြင်းနယ်နမိတ်
ထိုနေ့၏ညတာကုန်လွန်ကျော်ဖြတ်သွားပြီးနောက် မည်သူတစ်ဦးတစ်ယောက်ကမှ လုဝေ့ရှီ ဆိုသည့်စကားလုံးကို မဆိုလာကြတော့ပေ။ 'အမြစ်ပြတ်သုတ်သင်ချေမှုန်းခြင်း တိုက်ပွဲ' ၏အကြွင်းအကျန် ဖုန်မှုန်ဖုန်စလေးများနှင့်အတူ လောကကြီးအပေါ်အုပ်မိုးထိုင်စိုးထားသည့် ယောက်ျားနှစ်ဦး၏နှလုံးသားထဲ၌လည်း ထိုစကားလုံးလေးက တဖြေးဖြေးပျောက်ကွယ်သွားခဲ့၏။မည်သည့်အရာနှင့်တူကြောင်း ခိုင်းနှိုင်းပြရလျှင် နွေဦးရာသီ၏ရက်စွဲများတွင်ရှိတတ်သည့်ဖုန်မှုန့်လေးများက ရုတ်တရက်ရွာချလာသည့်မိုးရေနှင့်အတူ ကမ္ဘာမြေကြီးပေါ်မှ သဲလွန်စမကျန်အောင် ပျောက်ကွယ်သွားရသလိုပင်။
ရွမ်ရှောက်နန်အတွက် အောင်မြင်မှုကြီးထွေ့ပိုက်ပြီးနောက် အားလပ်သွားရပြီဖြစ်ကာ 'ကူယုံးလင်' ရှိရာ စင်ကာပူသို့လာ၍ သူ၏မွေးနေ့ကျင်းပမည့်အကြောင်း အသိပေးလိုက်၏။အားလပ်ရက်ရှည်ကိုပါယူထားပြီး သတို့သမီးလောင်းနှင့်အတူ မြို့တော်၏အစွန်ဒေသများဆီသို့ အလည်အပတ်ခရီးထွက်မည်ဖြစ်သည်။ထို့အပြင် နှစ်ယောက်သား၏မဂ်လာပွဲအတွက်ပါ စ၍ အစီအစဥ်ဆွဲကြမည်လည်းဖြစ်၏။
လင်းလော့ချွမ်က ယခင်အတိုင်းသက်သောင့်သက်သာနေ့ရက်များကိုဖြတ်သန်းနေဆဲ။ ထို့အပြင် လုမိသားစုအရေးကိစ္စအပြီးတွင် ဤတိုက်ပွဲအတွင်းမှအမြတ်အစွန်းတော်တော်များများက မိမိ၏ "ဟွမ်ချောင်"လုပ်ငန်းစုမှရလိုက်ခြင်းလည်းဖြစ်ရာ လေယာဥ်လက်မှတ်ဝယ်ပြီး ဟာဝိုင်ရီသို့ တစ်ကိုယ်တည်း ခရီးနှင်လေ၏။
နိုင်ငံခြားခရီးစဥ်အတွက် လေယာဥ်ပေါ်တွင်ထိုင်နေသည့်အခိုက် သတင်းစာတစ်စောင်ထက်မှ သတင်းတစ်ပုဒ်ကို ဖြတ်ခနဲမြင်လိုက်၏။လုရိန့်ရှီက ဖမ်းဆီးခံရပြီး တရားခွင်မှ သေမိန့်ချမှတ်လိုက်သည့်အကြောင်းဖြစ်ကာ အခြားအပိုစာသားတစ်ခုမှမပါ၏။
ရုတ်တရက် Alluring မှာ ပထမဆုံးအကြိမ်အဖြစ်မြင်ဖူးခဲ့သည့် လုဝေ့ရှီ၏ပုံစံလေးကို မြင်ယောင်လာမိ၏။နွေဦးရာသီအစတွင် ပွင့်လန်းလာသည့် ရေကန်အတွင်းမှ ကြာပွင့်လေးတစ်ပွင့်က ညလေညှင်းတစ်ချက်တိုးဝေ့လိုက်တိုင်း ကျက်သရေရှိစွာညှို့ယူပစ်လိုက်ခြင်းနှင့်တူသည့် အလှမျိုး။မျက်ခုံးနှစ်ခုကြားတွင် မသိမသာလေးရှိနေသည့် မှဲ့သေးသေးလေးက နတ်ဘုရားမလေး၏ ကွယ်ဝှက်ထားသည့်မျက်ဝန်းတစ်ခုနှယ်။
VOCÊ ESTÁ LENDO
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။