အသက်ကို နုတ်ယူသွားစေနိုင်လောက်သော မုသားစကား (Part )
ရွမ်ရှောက်နန် ထွက်သွားခဲ့သည်နှင့် တပြိုင်နက် ဝေ့ရှီ၏စိတ်ထဲ ကပြောင်းကပြန်ခံစားချက်များ ပေါ်လာခဲ့၏။တစ်ဝက်က သူ့အတွက် စိုးရိမ်ပေးနေခြင်းဟုဆိုလျှင် အခြားတစ်ဝက်သည်ကား မည်သည့်အတွက် အလိုမကျဖြစ်နေရမှန်း ကိုယ့်ကိုကိုယ် မသဲကွဲမဖော်ပြနိုင်ဖြစ်နေ၏။
ရုတ်တရက်အခြေအနေကြောင့် မည်သည့်နေရာသို့ဆက်သွားရမည်ကိုပင် မစဥ်းစားမိတော့ကာ အလျင်းသင့်ရာ ရောက်ရှိနေသည့်လမ်းမကြီးဘေး၌သာ ဟိုငေးဒီငေး လမ်းလျှောက်နေလေ၏။ယနေ့၏ ကောင်းကင်က အပြာနုရောင်သမ်းကာ အဖြူရောင်တိမ်တိုက်ပါးပါးလေးလည်း ရှိနေသေး၏။
မြင့်မားသောကောင်းကင်ထက်ရှိ တိမ်တိုက်များက နေရောင်ကြောင့် မသိမသာလေး တောက်ပနေကာ တောင်ပိုင်းမှတိုက်ခတ်လာသည့်ဆောင်းရာသီလေညှင်းထဲတွင် နေရောင်၏နွေးထွေးမှုလေးရောပါနေသဖြင့် ယခုရာသီက လည်ပတ်၍အကောင်းဆုံးအချိန်ဟု ဆိုရမည်။
ဝေ့ရှီက ရောက်တတ်ရာရာလမ်းအချိုးတိုင်းသာ ဦးတည်ရာမဲ့လျှောက်နေခဲ့ရင်း ရုတ်တရက် အဝေးမှပြေးလာသည့် အင်ဂျင်သံတစ်ခုကို ကျယ်ကျယ်လောင်လောင်ကြားလိုက်ရ၏။ထို့နောက် မော်တော်ဆိုင်ကယ်က အရှိန်ဖြင့်ပြေးဝင်ကာ ရှဲခနဲမြည်သည့် ဘရိတ်ဆောင့်နင်းလိုက်သံနှင့်အတူ ဝေ့ရှီ၏ခြေချောင်းလေးများနှင့် ဘယ်လောက်မှမလိုတော့သောစင်တီမီတာအကွာအဝေးတစ်ခုတွင် ထိုးရပ်သွားလေ၏။ဖြစ်စဥ်တစ်ခုလုံးက လေးငါးစက္ကန့်မျှသာကြာလိုက်သဖြင့် ဝေ့ရှီတစ်ယောက် ကြောင်အမ်းပြီးရပ်နေရုံသာ တတ်နိုင်ခဲ့၏။
ဆိုင်ကယ်ပေါ်မှသူက helmet ကိုချွတ်ပြီး ခန့်ညားသောမျက်နှာသွင်ပြင်ကို နေရောင်အောက်သို့ လှစ်ဟာပြလာ၏။
ဝေ့ရှီက သံသယဝင်နေသည့်အလား စောင်းကြည့်ပြီး
"ငါ ဘာလို့ လမ်းပေါ်မှာ ရောက်တတ်ရာရာလျှောက်သွားတဲ့အချိန်တိုင်း နင်နဲ့ပဲ လာတွေ့နေရတာပါလိမ့်."
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။