သားရဲတိရိစ္ဆာန်များပင်ဖြစ်စေ ကာကွယ်ချင်သည့်အရာဟူ၍ရှိကြ၏
မနက်ခင်း ဝေ့ရှီနိုးလာသည့်အချိန်တွင် မြင်လိုက်ရသည့် မျက်နှာကျက်ကြောင့် ရုတ်ချည်းကြောင်အမ်းသွား၏။ရွမ်ရှောက်နန်၏အိပ်ခန်း!
ဒါဆို မနေ့ညက...
ဝေ့ရှီက လေးမျက်နှာတစ်ခွင်ဝေ့ဝဲကြည့်လိုက်ရာ မည်သူမျှရှိမနေ။ပိုးသားခေါင်းအုံးဖြူနှင့် ဘေးဘက်ရှိနေရာကွက်လပ်ကလည်း ဘာဆိုဘာမှမရှိ။တစ်ကိုယ်တည်း ရွမ်ရှောက်နန်၏ကုတင်ကြီးပေါ်တွင် ထိုင်နေရင်း ခေါင်းရင်းတွင်တင်ထားသည့် Asthma ဆေးဘူးအပြာကိုကြည့်လိုက် အခန်းထဲမွှေးပျံနေသည့်ချိုမြမြရနံ့များကို ရှူရှိုက်လိုက်ဖြင့်။
သူမ၏လက်ရှိအခြေအနေက လူမှန်းသိတတ်စကလေးတစ်ယောက်က ဘာမှနားမလည်သလို ပတ်ဝန်းကျင်ကို လိုက်ကြည့်နေပုံနှင့် တူနေလိမ့်မည်။သို့သော် ခန္ဓာကိုယ်တွင်တစ်ခုခုမူမမှန်ပြောင်းလဲနေမှန်း သတိထားမိ၏။
လတ်စသတ်တော့ မနေ့ညကခံစားနေရသည့်အရာများက အိပ်မက်မဟုတ်ခဲ့ပါလား။
ဝေ့ရှီက ခြုံစောင်ကိုဆွဲယူလိုက်ပြီး ဒေါသထွက်နေသည့်ဟန်ဖြင့် ကုတင်ထောင့်စွန်းလေးတွင် ကွေး၍ငြိမ်နေလိုက်၏။ထိုအခိုက်အတန့်တွင် လက်ချောင်းထိပ် ဆံပင်နွယ်စတို့တွင် ကပ်ကျန်ရစ်နေသည့်သူ၏အငွေ့အသက်များကိုခံစားမိကာ ခြေထောက်နှစ်ဖက်စလုံးက နုံးချိနေပြီး လက်မောင်းများပင်အစစ်ပါနေလေ၏။အချိန်တစ်ခုအတွင်း အဆက်အဆံမရှိထားသောကြောင့်လားမသိ ခန္ဓာကိုယ်တစ်ခုလုံးက အသစ်အဆန်းတစ်ခုခံစားလိုက်ရသလို နာကျင်နေတော့၏။မနေ့ညက သူမနှင့် သုံးလေးကြိမ်မက ချစ်ကျွမ်းဝင်ခဲ့သည့်သူက တိုက်ပွဲဝင်ထားသည့်အမှတ်အသားများကိုပါ ချန်ထားရစ်ခဲ့၏။
ကိုယ့်ခန္ဓာကိုယ်ကိုယ်ပြန်ကြည့်မိပြီး လက်မောင်းနှစ်ဖက်ကိုထွေးပိုက်ကာ တဆတ်ဆတ်တုန်ယင်သွားခဲ့၏။
သို့ပေမယ့်..သူမ ဘယ်လိုများ ဒီနေရာကိုရောက်လာရသနည်း?။
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။