- ပေါင်ပေ့..ကြည့်ပါဦး တစ်ကိုယ်လုံးတုန်နေတာပဲ
ဝေ့ရှီက ရက်ဆက်တိုက်ကြာအောင် ကောင်းကောင်းအိပ်မပျော်သဖြင့် မျက်ကွင်းတဝက်မကညိုနေပြီဖြစ်ကာ လူကလည်း မရွှင်မလန်းဖြစ်နေ၏။
မနက်စောစောနိုးလာသည့်ရူဖေးက တစ်ကိုယ်တည်းအလုပ်ရှုပ်နေသည့်ဝေ့ရှီကိုကြည့်ပြီး
"ဒီနှစ်ရက်စလုံး ဘာလို့ ငါ့ဆီမှာ လာကပ်နေတာလဲ...ရွမ်ရှောက်နန်ကရော.."
ဝေ့ရှီက ဆူရှီပြုလုပ်သည့်နည်းလမ်းကို လေ့ကျင့်နေရာမှ
"သူ အခုတလောအလုပ်အရမ်းများနေတာ..ပြန်သွားလည်း သူ့ကိုတွေ့ရမှာမဟုတ်ဘူး...အိမ်အကူတွေနဲ့ပဲမျက်နှာချင်းဆိုင်နေရတော့ အဲ့မှာနေနေရတဲ့ ငါ့ပုံစံကြီးက အရူးလိုလိုပဲ.."
ရူဖေးက ဆူရှီတစ်လိပ်ကိုယူပြီး ပါးစပ်ထဲထည့်ဝါးလိုက်၏။
"ဘာလဲ..ရန်ဖြစ်ထားတာလား.."
ဝေ့ရှီက သက်ပြင်းတစ်ချက်ချလိုက်ပြီး
"ရန်ဖြစ်ပြီးစကားများလိုက်ရတာကမှ ကောင်းဦးမယ်..လက်ရှိ ငါ့ရဲ့အဖြစ်က အအေးနန်းဆောင်ကိုပို့ခံလိုက်ရတဲ့ကြင်ယာတော်မိဖုရားလိုပဲ..အရှင်မင်းကြီးရဲ့မျက်နှာတော်ကို ဖူးမြော်ခွင့်မရသလိုမျိုးလေ.."
ရူဖေးက နောက်ထပ်တစ်လိပ်ယူကာ ပါးစပ်ထဲသွတ်ထည့်ပြီး
"တော်စမ်းပါ...နင်သာ ဒီအချိုးနဲ့ ကြင်ယာတော်မိဖုရားဆိုရင် အရှင်မင်းကြီးအမျက်တော်ရှပြီး အကြိမ် ၁၈၀ခါလောက်သတ်တာ ခံရပြီးလောက်ပြီ"
ဝေ့ရှီက ရူဖေး၏လက်ကို ပုတ်ထုတ်လိုက်၍
"ညှာညှာတာတာကိုမရှိဘူး..နင်ပြောလိုက်မှ ငါ့ကိုယ်ငါတောင် အထင်ကြီးလာပြီ...ပြီးတော့... သူ့ဘက်ကတောင် လိုက်ပြောပေးနေသေးတယ်ဟုတ်လား...တကယ်ပဲ ဘက်ပြောင်းတာမြန်လိုက်တာ.."
ရူဖေးက မျက်စောင်းတစ်ချက်ထိုးပြီး
"ငါက နင့်ဘက်ကနေပြောနေတာဟ...နင့်စိတ်ကို ငါနားလည်လွန်းလို့လေ..နှစ်ခွန်းသုံးခွန်းနဲ့ကို တစ်ဖက်လူသေချင်စိတ်ပေါက်အောင် ပြောမှာ..ရွမ်ရှောက်နန်က နင့်ကိုဆို ကောင်းကောင်းဆက်ဆံတယ် ဘာမဆိုအလိုက်သင့်လေးနေပေးတယ်မလား...နင်ကသာ သူ့ကိုစိတ်ဆိုးအောင် သွားသွားလုပ် ပြီးရင် နင်ပဲ ခံလာရတာ.."
STAI LEGGENDO
Alluring [ ဘာသာပြန် ]
Storie d'amore绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။