ဒီတစ်သက် ဒီဘဝ ဘယ်အချိန်ဘယ်အခါပြန်ဆုံကြမည်မှန်း မသိတော့ပြီ
လင်းလော့ချွမ် လူနာခန်းထဲသို့ဝင်လာသည့်အချိန်တွင် ဝေ့ရှီကအိပ်ရာမနိုးသေး။ချီမော့က ဘေးနားတွင်စောင့်ပေးနေရင်း ခေါင်းငြိမ့်ပြကာ အလိုက်တသိထွက်သွားပေးသည်။
အိပ်ရာဘေးတွင်ဝင်ထိုင်ပြီးနောက် ဝေ့ရှီ၏လက်ကိုဆုတ်ကိုင်လိုက်၍
"ဝေ့ရှီ...ကိုယ် သွားရတော့မယ်...ကိုယ့်အဖေက နှလုံးရောဂါထဖောက်တာမလို့ အရေးပေါ်ကုသခန်းထဲထည့်ထားရတယ်...ကိုယ့်အစ်မပြောတာ သုံးလေးရက်တောင်မခံလောက်တော့ဘူးတဲ့"
ပြောနေရင်းက မျက်ဝန်းအိမ်အတွင်း ဝမ်းနည်းပူဆွေးသည့်စိတ်များပြည့်နေလာခဲ့ပြီး ခပ်ဖွဖွလေးရယ်လိုက်၍
"သူက ရိုက်လို့မသေနိုင်တဲ့သူလို့ ကိုယ်ထင်နေခဲ့တာ...မထင်ထားမိဘူး...အဲ့လိုကြမ်းတမ်းနေတဲ့သူက ကိုယ့်ကြောင့်စိတ်ဆိုးပြီး အခုလိုဖြစ်သွားမယ်လို့လေ...တောင်းပန်ပါတယ်...ကိုယ် မင်းကို ခဏလောက်တော့ ဒီနေရာမှာထားခဲ့ရလိမ့်မယ်...ဘော်ဒီဂတ်တွေကလည်း မင်းလုံခြုံရေးအတွက်အမြဲတမ်းရှိနေမှာ...ပြီးတော့ ချီမော့နဲ့ရူဖေးကလည်း မင်းကိုကောင်းကောင်းဂရုစိုက်ပေးနေမှာနော်.."
ခေါင်းကိုငုံ့လိုက်ပြီး နားဖျားဆီသို့တိုးကပ်၍ တစ်ခုခုထပ်၍ဆိုလိုက်ကာ နဖူးကိုအသာအယာနမ်းပြီးနောက်
"ဂရုစိုက်နော်..."
တံခါးဝအပြင်သို့ထွက်ခါနီးအချိန်၌ အနောက်ဘက်ဆီမှ အသံတစ်ခုခုကိုကြားနေရသလို ခံစားမိလာ၏။ သူ့အား ထွက်မသွားဖို့ရာ ပြန်ဆွဲနေသည့်အသံမျိုး။ ဤခံစားချက်ကြီးက ပြင်းထန်လွန်းပြီး ဝမ်းနည်းနာကျင်စရာကောင်းလွန်းသည့်ခံစားချက်မျိုး။
ဒီတစ်ခေါက်ခွဲခွာရခြင်းက ထာဝရခွဲခွာလိုက်ခြင်းလိုမျိုး။
ဒီတစ်သက် ဒီဘဝတွင် ဘယ်ဆီနေမှန်းမသိသောအချိန်မျိုး၌မှ ပြန်လည်တွေ့ဆုံရတော့မည့်ခံစားချက်မျိုး။
ČTEŠ
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။