Alluring [ ဘာသာပြန် ]

Chapter 32

အခြားသူလက်ဖြင့် သတ်ဖြတ်ခြင်း

'လုရိန့်ရှီ' ဖုန်း​ခေါ်လာသည့်အချိန်တွင် ရွမ်​ရှောက်နန်က 'ရိထျန်း'လုပ်ငန်းစု၏အ​ပေါ်ဆုံးအလွှာတွင်ထိုင်​နေပြီး Lafite 1982 ထုတ်ဝိုင်ပုလင်းကို အရသာခံ​နေ၏။

"ထူးထူးဆန်းဆန်း ဖုန်းဆက်လို့ပါလား"

ဖုန်းတစ်ဖက်ရှိသူက အနည်းငယ်အလျင်လို​နေဟန်ရှိပြီး

"ရွမ်​ရှောက်နန်...အပို​တွေသိပ်မ​ပြောနဲ့...'စည်းမရှိတဲ့ ​ခွေးလို​ကောင်'...ငါနဲ့လာငြှိကတည်းက မင်းနဲ့စာရင်းပြန်ရှင်းမယ်မှန်း သိတယ်မလား"

ရွမ်​ရှောက်နန်က ဝိုင်ခွက်ကို လှုပ်ရမ်းရင်း

"ဒီလို​ပြော​ကြေးဆို မင်းလည်း ငါနဲ့ငြှိတာပဲ​လေ...ကိုယ့်စကားကိုယ်ကြည့်​ပြော...ပြီး​တော့ စာရင်းရှင်းရ​အောင် ငါ မင်းကိုတစ်ခုခုကတိ​ပေးထားလို့လား...စာချုပ်​​တွေဘာ​တွေ လက်မှတ်ထိုးထားလို့လား...သ​ဘောတူပူး​ပေါင်းတာ​တွေ​​ရော ရှိထားလို့လား...ငါ့ဘာငါ 'စည်းမရှိတဲ့ ​ခွေးလို​ကောင်' ဖြစ်​နေပါ​စေ...တချို့ ခိုးယူ လုယက်ပြီး သူများပစ္စည်းကိုအ​ကောက်ကြံထားတဲ့လူ​တွေထက်​​တော့ သာပါ​သေးတယ်...မင်း ငယ်ငယ်တုန်းက စာ​သေချာမသင်ခဲ့ဖူးနဲ့တူတယ် 'ငှက်သိုက်ကိုဖျက်ရင် ငှက်ဥပါမချန်နဲ့' ဒီစကားလုံးကို​ရောကြားဖူးလား"

လုရိန့်ရှီက ​ဒေါသတကြီးရယ်​မောလိုက်ရင်း

"ငါဝန်ခံတယ်...အဆိပ်ရှိတာချင်းယှဥ်ရင် ငါ မင်းကိုမယှဥ်နိုင်ဘူး..ဒီတစ်​​​ခေါက် ငါခံလိုက်ရ​ပေမယ့်..."

လုရိန့်ရှီက အံ့ကျိတ်ပြီး

"မင်း ဒီ​လောက်ထိ​မောက်မာပြ​နေစရာမလိုဘူး!...ရွမ်​ရှောက်နန်...မင်းရဲ့​ကောင်မ​လေးက အခုငါ့လက်ထဲမှာ​ရောက်​နေပြီ"

ရွမ်​ရှောက်နန်က တအံ့တသြဖြစ်သွားပြီး

"မင်း ​ဝေ့ရှီကိုဖမ်းထားတာလား.."

"​အဲ့​တော့ မင်း​ဦး​နှောက်ကို​သေချာအလုပ်လုပ်ခိုင်း​လိုက်တော့ မဟုတ်ရင် သူ့လက်​ချောင်း​​တွေ တစ်​ချောင်းချင်းစီ ငါဖြတ်ပြမယ်"