ချောင်ယင်း
နှိုးစက်မြည်သံကြောင့် လင်းလော့ချွမ်တစ်ယောက် နိုးလာရကာ နာရီကိုကြည့်လိုက်လျှင် မနက် ၈နာရီတိတိရှိပြီဖြစ်သည်။မနေ့ညကဆွေးနွေးပွဲတွင် ထိုင်ဝမ်လူမျိုးစီးပွားရေးသမားများနှင့် နှစ်ခွက်ကျော်ကျော်သောက်လိုက်သော်ကြောင့် နိုးလာချင်းချင်းပင် ခေါင်းထိုးကိုက်နေသည့်ဒဏ်ကို ချက်ချင်းလက်ငင်းခံစားလိုက်ရသည်။
ပြတင်းပေါက်အပြင်ဘက်တွင်ရွာနေသည့်မိုးက မနေ့ညသန်းခေါင်ယံ အချိန်ကတည်းက ယခုအထိ မဆဲ။နားထင်ကို လက်ဖြင့်နှိပ်ရင်း လှဲနေရာမှထထိုင်ကာ ခြုံစောင်ကိုလှန်လိုက်၏။
"ဝေ့ရှီ!.."
လင်းလော့ချွမ်က သူ၏စောင်အောက်ထဲတွင် ပုစွန်သေးသေးလေးလိုကွေးပြီးအိပ်နေသည့်သူကို မြင်လိုက်လျှင်မြင်လိုက်ရချင်း တကယ်ကို ကြောင်အသွားခဲ့၏။
"ဘယ်အချိန်တည်းက ရောက်နေတာလဲ"
သူမ၏မျက်နှာကို အသာအယာဆွဲယူပြီးကြည့်လိုက်ရာ နှစ်နှစ်ခြိုက်ခြိုက်အိပ်ပျော်နေခြင်းဖြစ်ပြီး ဆံပင်နှင့်အဝတ်အစားများအားလုံးရွှဲရွှဲစိုနေခြင်းကြောင့် မိုးမိလာမှန်း တန်းသိလိုက်၏။နီရဲနေသည့်ပါးပြင်ကြောင့် နဖူးကို လက်တင်စမ်းကြည့်လိုက်ရာ အဖျားငွေ့နည်းနည်းရှိနေသည်။သူမ၏လက်မောင်းတစ်ဖက်ကို ခပ်ဖွဖွလေးမကြည့်လိုက်သည့်အခိုက် တံတောင်ဆစ်ပေါ်တွင်ရှိနေသည့် ဒဏ်ရာဒဏ်ချက်များကိုမြင်ပြီး သက်ပြင်းမချဘဲမနေနိုင်တော့၏။
လင်းလော့ချွမ်က အဝတ်အစားမပါဘဲအိပ်တတ်သည့်အကျင့်ကရှိသူဖြစ်ရာ ယခုလည်း သူ့အိမ်သူ့ရာ သူ့အိပ်ရာပေါ်တွင် အဝတ်မပါဘဲ အိပ်ပျော်နေသည့်အချိန် ဤကောင်မလေးက သူ့အိပ်ရာပေါ်သို့ မပြောမဆိုတက်လာလေသည်။ ဘယ်သူက ဘယ်သူ့ကို အသားယူအမြတ်ထုတ်နေမှန်းမသိ?
အလျင်းသင့်သည့် ညအိတ်ဘောင်းဘီအနက်ရောင်တစ်ထည်ကို ဝတ်ပြီး အိပ်ရာပေါ်မှဆင်းကာ ဆေးသေတ္တာကိုယူလာ၍ အနာကပ်ပလာစတာနှင့် အဖျားကျဆေးကို ထုတ်လိုက်သည်။ဆေးတိုက်နေသည့်အချိန်အတွင်း အဝတ်အစားများစိုရွဲနေခြင်းကြောင့် အချိန်ကြာကြာဝတ်ထားလျှင် ပို၍အဖျားတက်လာမည်စိုးရိမ်ပြီး ရင်ခွင်ထဲပွေ့ထားသည့်သူအား
YOU ARE READING
Alluring [ ဘာသာပြန် ]
Romance绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။