အရာအားလုံးကို အနိုင်ရလိုက်ပေမယ့် ကမ္ဘာကြီးတစ်ခုလုံးကို ဆုံးရှုံးလိုက်ရတယ်
ချီမော့၏ဒဏ်ရာများက အမြန်ဆုံးသက်သာလာခဲ့၏။ရူဖေးက သူ၏ပုံစံကို ကြည့်ပြီး မကြာခဏစနောက်လာတတ်သေးသည်။
ဝေ့ရှီက အတန်းတက်ရသည့်အချိန်များ၌ စကားမပြောနိုင်သည့်အပြင် နဂိုကတည်းက သူငယ်ချင်းနည်းနည်းသာရှိသည့်အတွက် ယခင်ကထက်ပို၍ တိတ်ဆိတ်လာခဲ့သည်။ကျိုးရှောင်ဖန်က နိုင်ငံခြားပညာတော်သင်သွားဖို့ရာပြင်ဆင်နေရပြီဖြစ်သဖြင့် သူမအဖို့ တစ်ကိုယ်တည်းနေရဖို့သာ အကြောင်းဖန်လာတော့သည်။
သို့သော် ယခုအချိန်မျိုးတွင် သူမမျှော်လင့်မိသည်ကလည်း ယခုလိုတိတ်ဆိတ်ငြိမ်သက်ခြင်းမျိုးကိုသာဖြစ်ပါ၏။ချီမော့အား ဆေးရုံတွင် စောင့်ရှောက်ပေးရသည့်အချိန်မှလွဲ၍ ကျန်သည့်အချိန်များ၌ ပန်းချီဆွဲ၍သာ ကုန်ဆုံးနေလိုက်သည်။
လင်းလော့ချွမ်ဘက်မှလည်း ထပ်၍လာရှာခြင်းမျိုး မရှိတော့ပေ။ဖြစ်နိုင်သည်က သူမ၏တည်ရှိနေမှုကို လုံးလုံးလျားလျားမေ့ပျောက်သွားပုံလည်း ရပါ၏။ဘယ်လိုပင်ဖြစ်နေပါစေ ဤလောကကြီးက အရောင်စုံပြီး လည်ပတ်နေဆဲ။သူ၏သဘောကျနှစ်သက်ခြင်းကိုခံယူလိုသည့် မိန်းမလှလေးများစွာ အသင့်စောင့်နေခဲ့ပြီး သူမဆိုသည်မှာ ပန်းကလေးများကြားထဲမှ မပြည့်မစုံတည်ရှိနေခဲ့သည့်သူတစ်ယောက်သာဖြစ်၏။မေ့သွားခဲ့လျှင်လည်း ဘာမှထူးခြားနေခဲ့မည့်အရာတစ်ခုပင် မဟုတ်လား။
ထိုလူတစ်စုနှင့် ဝေးဝေးနေလာသည်နှင့်အမျှ နှလုံးသားလေးလည်း တဖြည်းဖြည်းတည်ငြိမ်လာခဲ့သည်။သူမတွင် အချိန်ပိုလည်းမရှိနေခဲ့သလို ကလေးဆန်သည့်မိန်းမသားခံစားချက်များကြားနစ်မွန်းနေဖို့ရာ မတတ်နိုင်စွမ်းကာ ဆောင်းဦးရာသီရောက်လာသည်နှင့်အမျှ ဘွဲ့ယူဖို့ရာနီးကပ်လာပြီး စက္ကန့်တိုင်းနီးပါး ကျောင်းစာပေါ်တွင်သာအာရုံစိုက်နေရ၏။
ချီမော့ပြောခဲ့ဖူးသည်က အသက်ရှင်နိုင်အောင်ကြိုးစားနေနိုင်ခြင်းဟာလည်း အောင်မြင်မှုများထဲမှ တစ်ခုဟူ၍။
STAI LEGGENDO
Alluring [ ဘာသာပြန် ]
Storie d'amore绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။