သခင်လေးလင်း ဒီနေရာကို ရှင်းလင်းပေးဖို့လိုသေးလား
Alluring ဆိုတဲ့ကလပ်ဟာ အာရှမှာဆိုရင် "ရွှေရောင်လိုဏ်ဂူ" လို့နာမည်ကြီးတဲ့နေရာတစ်ခု။အထက်တန်းစားဆန်တဲ့အပြင်အဆင်တွေ အဆင့်အတန်းမြင့်တဲ့အရည်အသွေးတွေကြောင့် ပြည်ပတွေအထိပါ "ပန်းရောင်လေးများစုဝေးရာစစ်တပ်" လို့ လှလှပပ ခေါ်ဝေါ်ပြီး အဆင့်သတ်မှတ်ထားပါသေး၏။
ဤနေရာတွင် တည်ရှိနေသည့်အပြုအမူကိစ္စရပ်အားလုံးက ဤနေရာတွင်သာ လျှို့ဝှက်ချက်တစ်ခုအနေဖြင့်သာရှိနေမည်ဖြစ်သည်။အခြားသော အဆင့်အတန်းမြင့်သည့်ကလပ်များကဲ့သို့ လိုက်နာရမည့်စည်းကမ်းချက်များလည်း ရှိနေမည်ဖြစ်ကာ အတွင်းထဲတွင် မည်သို့ ခြစားပြီးပျက်စီးနေပါစေ အပေါ်ယံမျက်နှာပြင်တွင် တည်ငြိမ်အောင် ဟန်ဆောင်ထားပေးမည်ဖြစ်သည်။အပြင်ဘက်ကမ္ဘာကြီးအား မည်သည့်အပြစ်အဆာမျိုးကိုမှ ရှာဖွေတွေ့ရှိခွင့်ပေးလိုက်မည်မဟုတ်။
အခြားပုံစံဖြင့်ဆိုရလျှင် သူဌေးဝေ့ချိန်ပေါက်၏အုပ်ချုပ်မှုအောက်တွင်ရှိနေသော Alluring က ဤနယ်ပယ်တွင်ရှိသည့်အခြားသောနေရာများ၏ အထက် ပထမဦးဆုံးနေရာတွင်ရှိနေသည်ဟု သံသယကင်းကင်းယုံကြည်ရလိမ့်မည်။
ဤနေရာမျိုးတွင် ဖြစ်ပျက်သွားသောဇာတ်လမ်းဆိုသည်မှာ မနည်း။သို့သော် ဇာတ်လမ်းများအားလုံးကို လျှို့ဝှက်ပေးထားပြီး ရှိရှိသမျှသောပါးစပ်ပေါက်တိုင်းက ချုပ်ခံထားရသည့်အလား ပိတ်ထားပြီးဖြစ်သည်။လိုက်ကာ၏နောက်ကွယ်က ဇာတ်လမ်းများ ကြမ်းပြင်ပေါ်တွင်ဖြစ်သွားသည့် အညစ်ပတ်ဆုံးသောကိစ္စများ အရှက်မဲ့ဆုံးသော စက်ဆုပ်စရာအကောင်းဆုံးသော ရက်စက်ဆုံးသော မကျေနပ်ချက်ဇာတ်လမ်းများက အပျော်အပျက်သဘောမျိုးဖြင့်သာ လေထဲတွင်ဝိုးတိုးဝါးတားပျောက်ကွယ်သွားရစမြဲ။
အဲ့ဒီနေ့ညသည် မော့ရူဖေး လုဝေ့ရှီ ဆိုသည့်ပိုးကောင်လေးနှစ်ကောင်၏ ဤစည်းကမ်းချက်များအောက်ကျရောက်သွားသည့်နေ့ဖြစ်ပြီး သွေးရောင်လွှမ်းသည့်ညနက်ထဲသို့ ဝင်ရောက်သွားခဲ့ပြီဖြစ်သည်။
YOU ARE READING
Alluring [ ဘာသာပြန် ]
浪漫绝色倾城 ဆိုတဲ့စကားလုံးက အရိုးရှင်းဆုံးဆိုရလျှင် 'မိန်းမောသွားလောက်တဲ့ထိစွဲလမ်းခြင်း' လို့အဓိပ္ပါယ်ရပါတယ်။လူတစ်ယောက်ကိုပဲဖြစ်ဖြစ် အရာဝတ္ထုတစ်ခုကိုပဲဖြစ်ဖြစ် မသိစိတ်ကနေရော အသိစိတ်ကပါ ရူးသွပ်သွားတဲ့အထိစွဲလမ်းခြင်းမျိုးပါ။