SIGRID’S POV :
“Ate Lora?” naglakad ako sa pasilyo kung saan madalas tumambay ang mga katulong namin. “Ate — ”
“Ma’am, Bakit po?” Salubong ni Maya sa ‘kin.
“Ah, itatanong ko lang sana kung nasaan ang Lolo at Lola ko? Wala sila sa kuwarto nila, e. Nakita mo ba sila?”
“Umalis sila, Ma’am. Kasama nila sina Mang Orlando at Ate Lora. Magbabalot na daw ng mga gamit para tuluyan nang makalipat dito.”
“Really?” napag-usapan na namin nila Lolo at Lola ‘to at sa awa ni Lord ay napapayag ko din naman sila pero hindi ko inasahang ngayong araw din sila lilipat. “Thank you. ‘yung mga asungot kong mga Kuya nasaan? Hindi sila nakakalat ngayon sa buong kabahayan, e.”
“Sabado po ngayon kaya nasa opisina po sila kasama ang Daddy ninyo. Noon pa man ay madalas silang isama ni Sir Melandro sa kadahilanang upang matuto daw sila sa pamamalakad sa kompanya dahil paglaon ay sila naman ang hahalili sa kaniya.” Nakangiting paliwanag ni Maya na ikinatango ko nalang.
“Dapat sinama nalang din ako ni Mommy sa office niya para hindi ako naiinip dito.” nakangusong sabi ko. “Sige, Maya, papanhik na uli ako sa silid ko. Kapag may dumating sa mga kaibigan ko, Padiretsuhin mo nalang sa silid ko ha?”
“Sige po.”
Tinanguan ko siya saka bagot na bagot na naglakad sa pasilyo at pumanhik sa hagdanan diretso sa aking silid. Wala na naman ba akong gagawin maghapon? ‘buti sana kung nandito na sina Lolo at Lola.
PINULOT ko ang cellphone ko sa ibabaw ng nightstand at dinayal ang number ni Nathalie, My soon to be sister-in-law dahil Girlfriend na siya ng Kuya Hopper ko.. real quick.
“Hello ..?”
“Hi, Nat.” masayang bati ko sa kaniya. “Kumusta ang hipag ko?” nanunuksong tanong ko.
I heard her sweet giggles on the other line. God, In love na talaga ang kaibigan ko.
“I’m good, AM. Still can't believe that i am in a relationship now with your brother, friend. Gosh! I felt like i'm in a cloud nine!” Bulalas niya na halata namang hindi pa rin makapaniwala sa nangyari.
Ibinagsak ko ang sarili ko sa malambot na kama bago muling nagsalita. “Do you really love him, Nat? Mahal mo ba ang Kuya ko?”
“I do love your brother, AM.”
Nangunot ang noo ko nang marinig ko ang malalim niyang buntong hininga sa kabilang linya.
“Pero hindi ko pa iyon nasasabi sa kaniya.” This time ay may lungkot sa tinig niya. “Hindi ko kasi alam kung pareho kami ng antas ng nararamdaman sa isa’t-isa. Nag-aalala ako. Ang sabi niya sa ‘kin, Gusto niya ako. Iba naman ‘yun sa Mahal ‘di ba?”
Tumango ako na para bang nakikita niya ako. “Nat, listen, Kilala mo naman ang Kuya ko ‘di ba?” Tanong ko pero hindi ko na inantay pang sagutin niya ako nang muli akong magsalita. “He’s a flirt. Sabi ng Kuya Grover ay marami ng naka-fling ang boyfriend mo pero ‘wag kang mag-isip ng negative dahil do’n. Mahal ka niya at iba ka sa mga babaeng dumaan sa buhay niya at siguro, Hindi niya pa nasasabi ang three magic words na ‘yon sa ‘yo kasi alam mo na, Ma-pride din siya. Nahihiya pa siguro.”
