Chapter 12 : လုမိသားစုဝင် အစ်ကိုကြီးရဲ့အတွင်းသတင်းများပေါက်ကြားခြင်း
Samoyedခွေးလေးတွေက မျိုးကောင်းမျိုးသန့်ခွေးလေးတွေဖြစ်ပြီး လူတွေနဲ့အနေနီးတာကြောင့် ပူတင်းလေးက အိမ်ကိုလာတဲ့ မသိတဲ့သူစိမ်းအပေါ်မှာ
အရူးလေးလိုမျိုးပြုံးပြနေတာကို
သူ အာရုံမစိုက်မိခဲ့လေဘူး။ဒါပေမဲ့ ပူတင်းလေးက သူ့အစွယ်တွေဖြဲပြပြီး စိတ်ဆိုးနေတဲ့ပုံစံကို လုချန်ဟဲမြင်လိုက်ရတဲ့အခါမှာတော့ ကို့ယို့ကားယားနိုင်လှတဲ့သူ့ညီက ပူတင်းလေးကိုတစ်ခုခုနာကျင်အောင်လုပ်လိုက်တယ်လို့ထင်သွားတာကြောင့် သူ့ညီကိုတွန်းထုတ်လိုက်ပြီး ပူတင်းလေးကိုကားထဲကနေကောက်ချီကာ မြေကြီးပေါ်ကိုချပေးလိုက်လေတယ်။
လုချန်ဟဲ သူ့ကိုမြေကြီးပေါ်ကို
ချပေးလိုက်တဲ့အချိန်မှာပဲ ကျောက်နင်း
လုချန်ဟဲရဲ့ခြေထောက်ကို
တစ်ချက်ပုတ်လိုက်တယ်။သူ့ကို အဝေးကိုခေါ်သွားချင်တဲ့အတွေးတွေ
ပျောက်သွားအောင်လို့ လုချန်ဟဲက
သူ့ကိုဘယ်လောက်အထိချစ်တယ်ဆိုတာ ဒီလူ့ကိုသေချာပြပေးဖို့လိုအပ်လာပြီပဲ!အိမ်မှာရှိနေတဲ့ကာလတစ်လျှောက်လုံးမှာလည်း ပူတင်းလေးက သူ့ကို တအားကပ်တာကို လုချန်ဟဲ သိနေတာကြောင့် ဒီလိုအပြုအမူကိုတွေ့တဲ့အခါ သူက ပုံမှန်လုပ်နေကြအတိုင်းပဲ... ပူတင်းလေးကိုကောက်ချီလိုက်တယ်။
အဲ့တာက လုချန်ဟန်ကို
လုံးဝအံ့အားသင့်သွားစေတယ်။ သူ့အစ်ကို၂
အိမ်မွေးတိရစ်ဆာန်တစ်ကောင်ကို ချီထားတဲ့မြင်ကွင်းကိုမြင်လိုက်ရတာက တကယ်ကိုထူးဆန်းတယ်...ah! သူ့လက်ကျန်ဘဝတစ်လျှောက်လုံးမှာ ဒီမြင်ကွင်းကို သူလုံးဝမေ့နိုင်တော့မှာမဟုတ်ဘူး။ ဒါပေမဲ့
ဒီမြင်ကွင်းက မထင်ရလောက်အောင်ကို
လိုက်ဖက်နေတယ်။ ရုပ်ချောတဲ့သူတွေက
ဒီလိုမျိုး ဘာလုပ်လုပ်
အမြဲကြည့်ကောင်းနေကြတာပဲလား?နောက်ပြီးခွေးလေးရဲ့ဘာကိုမှဂရုမစိုက်တဲ့အကြည့်ကလည်း ဒီမြင်ကွင်းနဲ့ပနံသင့်နေလေတယ်။
" အစ်ကို၂ရဲ့ခွေးက ကျွန်တော့်ကိုအထင်သေးသလိုကြည့်ရတာကို ကျေနပ်နေသလိုပဲနော်! "