SUN { Season 1 }

SUN { 54 }

အိမ်ရှေ့ ဧည့်ခန်းတွင် နေသူရိန်မင်းခန့်နှင့် အာကာဟိန်းထက်တို့ နှစ်ယောက်၊ တစ်ဦးနှင့် တစ်ဦး ခပ်ခွာခွာ ထိုင်ကာ ဆိုင်ရာ အလုပ်များအား ကိုယ်စီ လုပ်လျက် ရှိသည်။

နေသူရိန်မင်းခန့်က ဆိုဖာပေါ် ခြေဆင်း ထိုင်ပြီး လက်ကိုင်ကို ကျော မှီထားသည်။ ဘေးပတ်ပတ်လည်၌ မှတ်စု စာအုပ်များ၊ စာရွက်စာတန်းများနှင့် ပြည့်နှက်လျက် ရှိသည်။ ကွန်ပျူတာကို ပေါင်ပေါ် တင်လျက် Assignment ရေးနေသော နေသူရိန်မင်းခန့် မျက်လုံးများက အာရုံ စူးစိုက်မှု အပြည့်။

"စာရွက်တွေက ရှုပ်လိုက်တာ၊ နည်းနည်းလောက် ရှင်းစမ်းပါ"

အာကာဟိန်းထက် အပြော။
    
ကွန်ပျူတာကို ငေးစိုက် ကြည့်နေရာမှ နေသူရိန်မင်းခန့် အနေအထား မပျက်။ တစ်ချက်ကလေး ဝေ့ဝဲရုံသာ အကဲခတ်သည်။
    
ဇာပါးပါး အခင်းဖြူ ခင်းထားသော ကျွန်းသား စားပွဲပုပေါ်မှာ စီးပွားရေး မေဂျာနှင့် ပတ်သက်သည့် မိတ္တူ စာရွက်များ ပြန့်ကျဲလျက် ရှိသည်။ တချို့က အာကာဟိန်းထက် သပ်ချထားတာမို့ ကြမ်းပြင်ပေါ် ကျနေသေးသည်။ သိပ်တော့ အရေးမကြီး။ သူ ရေးနေသည့် Assignment ပြီးတာနှင့် စာရွက် အများစုက အမှိုက်ပုံးထဲသို့ ဒိုးရမှာပဲ ဖြစ်သည်။ မသိချင်ယောင် ဆောင်ရင်း ကွန်ပျူတာ လက်ကွက်ကိုသာ တတောက်တောက် ဆက်နှိပ်နေလိုက်သည်။

"ရှုပ်နေရင် ကိုယ်တိုင် ရှင်းလေ၊ လက် မပါဘူးလား"

အာကာဟိန်းထက် မျက်မှောင်ကြုတ်သည်။ အစကတော့ တစ်ခုခုကို ပြန်ခံ ပြောဦးမလို့ဘဲ။ သို့ပေမယ့် ရန် မဖြစ်ချင်တာမို့ စိတ်လျှော့ပြီး ခေါင်း တစ်ချက်သာ ခါယမ်းလိုက်ရသည်။
    
နေသူရိန်မင်းခန့်နှင့် တုပြိုင်ပြီး ရန်ဖြစ်ပါက လေကြော ရှည်နေဦးမည်။ သူတို့ ရန်ပွဲက ယောကျာ်း ပီပီသသ လက်သီးတွေနှင့် ဖြေရှင်းမည့် ပွဲ မဟုတ်။ စကားတွေဖြင့်သာ အထိ နာအောင် အပြိုင်ကြဲမည့် ပွဲ တစ်ပွဲ ဖြစ်သည်။ ကိုယ်က ပြန်ခံပက်၊ သူက ပြန်ပြောနှင့်။ တော်တော်နှင့် ပြီးမှာ မဟုတ်။ ဒီတော့ ကိုယ့်အလုပ်ကိုယ် လုပ်တာပဲ ကောင်းသည်။ မဟုတ်ပါက တန်ဖိုး ရှိသည့် အချိန်တွေ ကုန်၏။
    
"စိတ်လျှော့ . . ၊ စိတ်လျှော့"
    
အာကာဟိန်းထက် ခပ်တိုးတိုး ရေရွတ်ရင်း ကင်မရာထဲမှ ဓာတ်ပုံများကို ပြန်ပြီး စစ်ဆေးလိုက်သည်။ သူက နေသူရိန်မင်းခန့်နှင့် လက်တစ်ကမ်း အကွာမှ ကြမ်းပြင်တွင် ဒီအတိုင်း ဖင်ချ ထိုင်နေသည်။ ရှေ့က စားပွဲပုပေါ်မှာ စာရွက်စာတန်းများဖြင့် ရှုပ်ပွနေတာမို့ ကင်မရာ တစ်လုံးနှင့် ကွန်ပျူတာ တစ်ခုသာ သူ တင်ထားသည်။
    
အာကာဟိန်းထက်၏ ကွန်ပျူတာ မျက်နှာပြင်တွင် တည်းဖြတ်လက်စ ဓာတ်ပုံ တစ်ပုံ ရှိသည်။ ထိုပုံက ဥယျာဉ် ခုံတန်းမှာ ထိုင်ရင်း Nemophila ပန်းခင်းကြီးနှင့် ပစိဖိတ် သမုဒ္ဒရာ၏ နေဝင်ချိန်အား ရိုက်ယူခဲ့သည့် နောက်ဆုံး ဓာတ်ပုံ ဖြစ်သည်။ ပုံထဲမှ ပန်းခင်းနှင့် နေဝင်ချိန် တိမ်တိုက်က အရောင် အတွဲအစပ် အတော်လေး လှ၏။ အလင်း နည်းနည်း တင်ပေးဖို့သာ လိုတော့သည်။