Unicode
~~~~~~~~
တိကျသေချာတဲ့အမှုမရှိပဲ စွတ်ဆွဲမှုတွေနဲ့ Lion အားဖမ်းဝရမ်းထုတ်ကာ အချိန်တစ်ခုကြာမြင့်တဲ့ထိ ရှာဖွေမှုတွေ ရပ်မသွားခဲ့ဘူး … ပြည်သူတွေရဲ့ကြောက်စိတ်နဲ့ဖိအားပေးမှုတို့ကြောင့် Lion ( ရှန်ဖန်းဂူ ) ကိုအပြစ်သားတစ်ယောက်အဖြစ်သတ်မှတ်လိုက်ဖို့ လွယ်ကူသွားတယ် … ဒီကိစ္စကြောင့် နယ်စပ်မှာတောင်းကျန်းနေတဲ့အုပ်စုအား Lion ကဦးဆောင်နေတယ်ဆိုတဲ့ သတင်းမှားတွေက ဖြန့်စရာမလိုလောက်အောင် ပြန့်နှံ့သွားလေတယ် …
ယခုအိမ်တော်မှာ သခင်မကြီးတစ်ယောက်သာလျှင်ရှိနေပြီး ယောက်ျားနဲ့ဖခင်က အဖမ်းခံထားရကာ သားဖြစ်သူက ဝရမ်းပြေးဖြစ်နေပေမဲ့ သူမနည်းနည်းလေးမှ အင်အားလျော့နည်းပုံမပြပဲ ဖြစ်လာသမျှအရာအားလုံးကို ရင်ဆိုင်ဖို့အသင့်ပြင်ဆင်ထားတယ် …
သူမအသက်ရှင်သန်လာတဲ့တစ်လျှောက် ယခုလိုအခြေအနေမျိုးကို ကြိုတင်မှန်းစထားပြီးဖြစ်သလို သူမစိတ်ကိုလဲ အဆင်သင့်ပြင်ဆင်ထားပြီးပြီ … ယခုသူမအနားမှာရှိနေသူက ချူးလောင်ဝီနဲ့ချူးလောင်ရှန့်တို့သားအဖပင် …
" သခင်မလေး … သခင်လေးဖန်းဂူတို့သားအဖက လွတ်မြောက်နယ်မြေမှာ အန္တရာယ်ကင်းကင်းရှိနေပါတယ် "
အဖိုးလောင်ဝီရဲ့တင်ပြသံကြားတော့မှ သူမအသက်ရှူနိုင်တော့တယ် … ရှန်ဟွှာအပေါ်စွန်းထင်နေတဲ့အမဲကွက်ကြီးကို ဖြေရှင်းဖို့ သူမကြိုးစားရအုံးမယ် … ထိုစဉ် အိမ်တော်အတွင်းသို့ မဖိတ်ခေါ်ပဲ ဧည့်သည်တစ်ချို့ ရောက်ရှိလာကြတယ် … ရှန်ဟွှာရဲ့အစောင့်တွေနေရာမှာ ရဲတွေအစားထိုးထားပြီး သူမအားအိမ်အကျယ်ချုပ်အသွင်ချထားခြင်းပင် …
ဝင်လာသူကတော့ အရာရှိပတ်ဒိုမင်းနဲ့ ကျန်းရှာမေ့တို့ဖြစ်တယ် … သူတို့ဝင်လာတော့ ဘေးနားကအစောင့်တွေနဲ့ အဖိုးလောင်ဝီအား အပြင်ထွက်ဖို့အမိန့်ပေးလိုက်တယ် … အားလုံးရှင်းလင်းသွားတော့မှ ရှားမေ့က သခင်မမိုနန်းအားနှုတ်ဆက်လိုင်တယ် …
" မိုနန်းမတွေ့တာကြာပြီ … မင်းနေကောင်းရဲ့လား "
YOU ARE READING
Mafia Is My Alpha ( Lion ) { Completed }
Romanceဒါလေးက Omegaverse ပုံစံလေး ရေးသွားမှာပါ ... DOLL ပြီးတော့ ဒုတိယမြောက် Fic လေးမို့ အားပေးဖို့မျှော်လင့်ပါတယ် ...... #KZinNyein
