#Unicode
ရှန်ဟွှာအိမ်တော် …
" အဟွတ် … အဟွတ် "
" သခင်ကြီး သတိထားပါ … အဆင်ပြေရဲ့လား … ကျွန်တော် ရေယူပေးမယ် "
" လောင်ဝီ … ဒါတွေသိမ်းလိုက်တော့ "
အရှေ့မှာရှိနေတဲ့ စားစရာပွဲကို ပြန်သိမ်ဖို့အမိန့်ပေးလိုက်တယ် … အစောင့်လေးငါးယောက် ရောက်လာကြပြီး သခင်ကြီးရှန်ဟွှာရန်းအမိန့်အတိုင်း စားစရာပွဲတွေအားလုံးကို ပြန်ယူသွားကြတယ် …
သခင်ကြီးဟွှာရန်းတစ်ယောက် ချူးလောင်ဝီယူပေးတဲ့ ခွက်ကိုယူကာ ရေတစ်ငုံသောက်လိုက်ပြီး သူ့ရဲ့ညနေစာကိုအဆုံးသတ်လိုက်တယ် … ဒီရက်တွေအတွင်းမှာ သခင်ကြီးအစားနည်းလာသလို အမြဲအားပြည့်နေဖို့ ဆေးစားနေရတယ် … မိသားစုရေး မြေးရေးတွေကြောင့် စိတ်ရှုတ်ထွေးပင်ပန်းပြီး အင်အားကြီးပါတယ်ဆိုတဲ့ရှန်ဟွှာရန်း အိပ်ယာထဲလဲတဲ့ထိဖြစ်သွားခဲ့ရတယ် …
ကိစ္စတစ်ချို့ကြောင့် သခင်ကြီးဘေးမှာအမြဲခစားနေတဲ့ ချူးဖိုးဖိုးလဲ စကားသိပ်မပြောတော့ဘူး … အရာအားလုံး ပုံမှန်အတိုင်း ပြန်ဖြစ်လာနိုင်ဖို့ ဘယ်အရာတွေကများ တားဆီးနေတာလဲ …
" သခင်ကြီးအတွက် ကျွန်တော် ဆေးယူလာပေးမယ် "
ချူးဖိုးဖိုက အနားကနေ ထွက်သွားမည်ပြင်တော့ ရှန်ဟွှာရန်းကတားစီးလိုက်တယ် …
" လောင်ဝီ "
" အမိန့်ရှိပါ "
ရှန်ဟွှာရန်း သက်ပြင်းဖွဖွချလိုက်ရင်း …
" ငါ့အပေါ် နားလည်ပေးနိုင်မဲ့သူက မင်းဖြစ်လိမ့်မယ်လို့ ထင်ခဲ့တာ ငါထင်တာမှားသွားပြီနဲ့တူတယ် "
" ကျွန်တော်တောင်းပန်ပါတယ် "
" မင်းတောင်းပန်စရာမလိုပါဘူး … ငါဘယ်လိုလူမျိုးလဲ မင်းအသိဆုံးပါ … မင်းသားရဲ့လုပ်ရပ်တွေက ရှန်ဟွှာကိုအိမ်မက်ဆိုးဖြစ်စေခဲ့ပြီ … ဒါတွေကို ငါဘယ်လိုခွင့်လွှတ်နိုင်မှာလဲ "
ပိုင်မိသားစုပြန်ပေါ်လာရခြင်းက တိမ်မြုတ်ပျောက်ကွယ်နေတဲ့ အိမ်မက်ဆိုးတွေ တဖန်နိုးထလာတာနဲ့တူနေတယ် … ရှန်ဟွှာအတွက် အချိန်ကိုက်ဗုံးတစ်လုံးလို ဘယ်အချိန်ပေါက်ကွဲမလဲဆိုတာ မခန့်မှန်းနိုင်ဘူး … အားလုံးကိုရှင်းလင်းဖို့ဆိုရင် ပိုင်မျိုးဆက်ကို ရှန်ဟွှာနဲ့အဝေးဆုံးကိုတွန်းထုတ်ရန်သာရှိလိမ့်မယ် …
YOU ARE READING
Mafia Is My Alpha ( Lion ) { Completed }
Romanceဒါလေးက Omegaverse ပုံစံလေး ရေးသွားမှာပါ ... DOLL ပြီးတော့ ဒုတိယမြောက် Fic လေးမို့ အားပေးဖို့မျှော်လင့်ပါတယ် ...... #KZinNyein
