❤🏰 ကိုကို ကော်ဖီတုံးကတော့ Resinလုပ်တဲ့ပစ္စည်းတွေနဲ့ ဘာတွေအလုပ်ရှုတ်နေသလဲ မသိ......
ကျွန်တော်လည်း လုပ်လက်စ ကြိုးပန်းချီလေးကို Miloကြီးဝင်ဆော့နေတဲ့ကြားထဲကနေ မနည်းလက်စသတ်နေရသည်.......
တစ်ခုခုကို အာရုံစိုက်ပြီးလုပ်ရပြီဆိုရင် ဗိုက်ကလည်း ပိုပိုပြီးဆာလာတော့တာပါပဲ.....
လုပ်နေတာက မပြီးပြတ်သေးတာရယ် ပြီးချင်ဇောကလည်းကတ်နေတော့ မထချင်နဲ့ တော်တော်ကို ဒုက္ခများရပါတယ်ဗျာ......
🖤🏰 လိုအပ်တာလေးတွေ ထပ်သွားယူပြီး နှင်းဆီပန်းတစ်ပွင့်နဲ့ နှင်းဆီပွင့်ဖတ် ၉ဖတ်ကို Resinလေးထဲသေချာထည့်ကာ လုပ်ရိုးလုပ်စဥ်အတိုင်း တဆင့်ချင်းစီ ဖြည်းဖြည်းနဲ့မှန်မှန်လုပ်သွားလိုက်ရပြီ......
တိတ်ဆိတ်နေတဲ့ အခန်းလေးထဲမှာ နှင်းဆီရနံ့တွေကတော့ အရှိန်အဟုန်နဲ့ ပျံ့လွင့်လို့.....
အဲ့ဒီFresh Cut Rose ဖယောင်းတိုင်လေးဆီကနေ ထွက်ပေါ်နေတဲ့ အမွှေးရနံ့တွေကို ခပ်ဝဝရှူရှိုက်လိုက်မှပဲ တနေကုန် စိတ်ရောလူပါ ပင်ပန်းထားရသမျှတွေကို သင်းပျံ့တဲ့နှင်းဆီရနံ့တွေက သက်သာအောင် ကုစားပေးနေသလို......
နှာဖျားဝမှာလာရစ်တွယ်နေတဲ့ အဲ့ဒီနှင်းဆီရနံ့လေးကို ရှူရှိုက်နေရင်းနဲ့မှ ဒီနှင်းဆီရနံ့ကို ရင်းနှီးနေသလိုရှိသည်.....တစ်နေရာရာမှာ ဒီနှင်းဆီရနံ့ကို ကျွန်တော်ရဖူးသလိုပဲ......
အတွေးထဲမှာတင် အဲ့ဒီနှင်းဆီရနံ့ကို သေချာခွဲခြမ်းစိတ်ဖြာကြည့်လိုက်တော့ ရံဖန်ရံခါမှရတတ်တဲ့ ကျွန်တော့်အသည်းအသက်ကလေးရဲ့ ကိုယ်သင်းရနံ့မွေးအီအီလေးနဲ့ သွားပြီးတော့ဆင်နေတာဖြစ်နေသည်.......
တခဏကြာပြီးတော့မှပဲ လုပ်လက်စResinလေးကို အပြီးသတ် Resinအရည် တစ်ထပ်လောင်းချလိုက်ပြီးလက်စသတ်ကာ နာရီကိုတစ်ချက်ကြည့်လိုက်တော့ ၁၀နာရီတောင်ခွဲတော့မည်.......
၂ယောက်သား အမှတ်တရပစ္စည်း ကိုယ်စီလုပ်ကောင်းနေတာနဲ့ ညစာတောင်ငတ်တော့မှာပဲ......
आप पढ़ रहे हैं
Classic Love 🖤 ❤
फैनफिक्शनစိုက်ခင်းတွေ ပန်းပေါင်းစုံခင်းတွေနဲ့ သဘာဝပတ်ဝန်းကျင်တွေကြားထဲ ယိမ်းနွဲ့ပြီး ကြည်နူးပျော်ရွှင်မှု၊ကြေကွဲဝမ်းနည်းမှု၊လွမ်းဆွတ်တမ်းတမှု စတဲ့ ရသစုံ ခံစားမှုတွေ ပေးကြမယ့် စီးပွားရေး လုပ်ငန်းပိုင်ရှင် ကောင်လေး၂ယောက်အကြောင်း............ See ya gu...
