🖤❤🏰 ကိုယ့်ရင်ခွင်ထက်မှာ အလေးတုံးလေးပိနေသလိုရှိတော့ မျက်လုံးတွေ ဖွင့်မကြည့်ရသေးပဲနဲ့တောင်ပြုံးလိုက်ရပြီ.....
အမြဲလိုလို ရင်ဘတ်ပေါ်မှ လာမှောက်အိပ်တတ်တဲ့ ဝက်ဝံပေါက်စကလေးပါပဲ.......
အတွေးတွေနဲ့အတူ ကြည်နူးရခြင်းတွေကို ကိုယ့်အပြုံးတွေနဲ့ ချိတ်ဆက်လိုက်ပြီး အားပါးတရ ကိုယ့်နှာခေါင်းနဲ့ အနမ်းတံဆိပ် ခတ်လိုက်တော့မှ အနံ့အသက် သိပ်မကောင်းတဲ့ အနံ့တစ်မျိုးက နှာခေါင်းထဲတိုးဝင်လာရသည်........မျက်လုံးတွေကို အမြန်ဖွင့်ကြည့်တော့မှ အမောင် Robin လေ သူ့ဖင်တုံးကြီးနဲ့ ကိုယ်တစ်ဝက်ကို လူပေါ်ပစ်တင်ထားပြီး ကျန်တဲ့ ကိုယ်လုံးတဝက်နဲ့ ခေါင်းပိုင်းကတော့ သူ့သခင်ပေါက်စပေါ်မှာ........ ၂ယောက်စလုံးကို အလွတ်မပေးတာပါပဲ......
ကန့်လန့်ဖြတ်အနေအထားနဲ့ အားရပါးရ လူပေါ်မှ တက်အိပ်ချင်ပါတဲ့ သားတွေပါဗျာ........ပြန်ပြီး အနံ့ပြန်ခံကြည့်လိုက်တော့မှ အစောက အနံ့အသက်တစ်မျိုးက Robin ဆီက...... ဒီကောင်တွေကို ဒီတစ်လော အလုပ်မအားနေတာနဲ့ ရေလည်းမချိုးပေးဖြစ်လေ......အဲ့တော့ သူတို့အမွှေးတွေက အပြင်က ဖုန်တွေနဲ့ထိတွေ့တာများပြီး အသန့်ပဲနေခဲ့တဲ့ကောင်တွေဆိုတော့ နည်းနည်း ညစ်ပတ်ပေတူးတာနဲ့ တအားသိသာရတဲ့ ကောင်တွေပါပဲ.......
သူတို့၂ကောင်က အမြဲတမ်း ကိုယ့်အတွေးထဲမှာကအစ အတူတူခွဲလို့မရနေတာပါ......ခုလိုကျလည်း ကိုယ့်သားကြီး Miloကို သိပ်သတိရရပြန်ပြီ..... ကျွန်တော့်ကလေးလေး ပိုစိတ်မကောင်းဖြစ်ရမှာကြောင့် တတ်နိုင်သရွေ့ သတိတရနဲ့ သားကြီးအကြောင်း မပြောဖြစ်ပေမယ့် ပျောက်တယ်လို့ စသိရတဲ့ ရက်ထဲကနေ ဒီနေ့ဒီချိန်ထိ သတိမရဘဲနေခဲ့တဲ့ ရက် တစ်ရက်မှကို မရှိရသေးတာပါဗျာ........
Miloလေးက သူပထမဆုံး ကျွန်တော့်အတွက် ဆိုပြီး ရည်ရွယ်ပေးခဲ့တာလေးမလား......သက်ပြင်းကြမ်းတစ်ချက်ချလိုက်ရင်း ကိုယ်ပေါ်မှာ ဇိမ်တွေ့နေတဲ့ Robinကို ပြန်နေရာမှန်ချထားဖို့ ဖင်တုံးကြီးကို ခပ်ဆဆ ရိုက်နိုးရတော့သည်........
YOU ARE READING
Classic Love 🖤 ❤
Fanfictionစိုက်ခင်းတွေ ပန်းပေါင်းစုံခင်းတွေနဲ့ သဘာဝပတ်ဝန်းကျင်တွေကြားထဲ ယိမ်းနွဲ့ပြီး ကြည်နူးပျော်ရွှင်မှု၊ကြေကွဲဝမ်းနည်းမှု၊လွမ်းဆွတ်တမ်းတမှု စတဲ့ ရသစုံ ခံစားမှုတွေ ပေးကြမယ့် စီးပွားရေး လုပ်ငန်းပိုင်ရှင် ကောင်လေး၂ယောက်အကြောင်း............ See ya gu...