🖤🏰 ရင်နဲ့မဆံ့အောင် ချစ်မြတ်နိုးရမှုများစွာကြောင့် ရင်ခွင်ထဲထည့်ပြီး ပွေ့ဖက်ထားမိတဲ့ ကိုယ်လုံးအိအိကလေးကို စမ်းမိတော့ မျက်လုံးတွေ မဖွင့်ရသေးတာတောင် အပြုံးတွေက ကျွန်တော့်နှလုံးသားကို လှုပ်နှိုးနိုင်တဲ့အထိ.......
မျက်စိမှိတ်ထားရက်နဲ့ ဘေးနားအိပ်စက်နေဦးမယ့် ပတ္တမြားလုံးလေးဘက်ကို ခေါင်းနေရာရွှေ့ကာ နံနက်ခင်းတိုင်း အချစ်တွေကို သက်သေစိုက်ထူပေးနေကြအတိုင်း ခေါင်းနေရာလေးကို မှန်းဆပြီး အနမ်းတစ်ပွင့်ပေးမိတော့ နှာခေါင်းတစ်ခုလုံး အိခနဲနစ်ဝင်သွားရတာပါ......
ရနေကြ Shampooနံ့လေး မဟုတ်ဘဲ တခြား အမွှေးနံ့တစ်မျိုးလိုရနေလို့ မျက်လုံးအမြန်ဖွင့်ကြည့်လိုက်တော့ ခြေကားယားလက်ကားယားနဲ့ ဗိုက်လုံးလေး မိုးပေါ်ပစ်ပြီး ကျွန်တော်တို့၂ယောက်ကြား ဝင်အိပ်နေတဲ့ ကျွန်တော့်သား Milo......
စစလာအိပ်တုန်းကတော့ ခြေရင်းနားတင်လေ ခုဆို ညညတရေးနှိုးတိုင်းလည်း ဒီအကောင်ပေါက်၂ကောင်ကို သေးတည်အီးတည်လိုက်ပို့ပေးရသေးတာများ မွေးထားမိတဲ့အတွက် လိုလိုချင်ချင်နဲ့ ထမ်းဆောင်နေရတဲ့ ဖအေ့ တာဝန်တစ်ရပ်လို......
ကိစ္စထိပ်ဝရောက်ကြရင် တစ်ခါတစ်ခါ အော်ပြဲကြလွန်းလို့ ဘေးနားအိပ်မောကျနေတဲ့ ကျွန်တော့်ကလေးလေး နှိုးသွားမှာကိုလည်း တအားစိုးရသေးတာပါ......
တအားဆက်မအော်တော့အောင် မျက်နှာတင်းတင်းနဲ့ ကလေးအိပ်နေတာကို ညွှန်ပြပြီး နှုတ်ခမ်းပေါ် လက်တင်ရင်း အသံတိုးဖို့ပြောတော့လည်း အသံတွေ ချက်ချင်းတိတ်ပေးပြီး မျက်လုံးလေးတွေ အပြိုင်မှိတ်ပြကြလို့.......
သိတတ်နားလည်ပြီး ပြောသမျှ နားထောင်ပေးကြတဲ့ ဒီပေါက်စတွေကို အသည်းတွေလည်းယားရပါတယ်....
ခုလည်း ညကသူတို့ကိစ္စပြီးလို့ ပြန်ခေါ်လာတော့ ဆက်အိပ်ပြီး တဖြည်းဖြည်းနယ်ချဲ့ရင်းနဲ့ ကျွန်တော်တို့ကြားထိ ရောက်လာတာနေမပေါ့ဗျာ......
YOU ARE READING
Classic Love 🖤 ❤
Fanfictionစိုက်ခင်းတွေ ပန်းပေါင်းစုံခင်းတွေနဲ့ သဘာဝပတ်ဝန်းကျင်တွေကြားထဲ ယိမ်းနွဲ့ပြီး ကြည်နူးပျော်ရွှင်မှု၊ကြေကွဲဝမ်းနည်းမှု၊လွမ်းဆွတ်တမ်းတမှု စတဲ့ ရသစုံ ခံစားမှုတွေ ပေးကြမယ့် စီးပွားရေး လုပ်ငန်းပိုင်ရှင် ကောင်လေး၂ယောက်အကြောင်း............ See ya gu...