❤🏰 ကျေးငှက်လေးတွေရဲ့ တေးသီသံက နားထဲတိုးဝင်လာလို့ မျက်လုံးတွေကို ဖွင့်ကြည့်လိုက်တော့ နေဝန်းနီနီကြီးက အရှေ့ရပ်ဌာနေဆီကနေတရိပ်ရိပ်နဲ့ ကောင်းကင်ပေါ် ရွှေ့လျားဖို့ရာအတွက် ရောင်နီတွေတောင် ဖြန့်ကျက်စပြုနေပြီ.......
ကိုယ့်မွေးနေ့မှာ "နေဝင်ချိန်တိုင်း ပွေ့ဖက်ထားခွင့်ရပြီး မိုးသောက်ချိန်တိုင်း ကလေးနဲ့တူတူ နှိုးထခွင့်ရချင်တယ်"ဆိုပြီး သူပြောခဲ့တဲ့ အဲ့ဒီစကားတစ်ခွန်းက ပြန်တွေးမိတိုင်း ရင်ထဲ တသိမ့်သိမ့်နဲ့ကို ကြည်နူးရတာပါပဲ........
သူပေးအပ်ထားတဲ့ ကိုယ့်လည်တိုင်ပေါ်က စကြာဝဠာလေးကို ပွတ်သပ်ရင်း ကြည်နူးခြင်းတွေ အပြည့်ဖြစ်တည်နေရတဲ့ နံနက်ခင်းတစ်ခုကို အပြုံးတွေနဲ့ စတင်ထားကာ ကိုယ့်နံဘေးနားက အချစ်ရှိရာ ရပ်ဝန်းကို ငေးကြည့်မိလိုက်တော့ ကျွန်တော့်မှာ အပြုံးတွေ ထပ်ဖြစ်ထွန်းရသည်.......
ခေါင်းအုံးအောက်မှာ လက်ခုထားရက်နဲ့ ကျွန်တော့်ကော်ဖီခဲကြီးတစ်ယောက် တရွှီးရွှီးနဲ့ အိပ်မောကိုကျပြလို့........
ကိုကိုလည်း သူ့အလုပ်ကိစ္စတွေအပြင် ကျွန်တော့်အလုပ်ကိစ္စတွေကိုပါ ပါဝင်ကူညီပေးရင်း ကျွန်တော်နဲ့အတူတူ အနည်းနဲ့အများတော့ ပင်ပန်းရမှာပါ.......သေချာတာကတော့ သူက ကိုယ့်ထက်ပိုပြီးတော့ကို ပင်ပန်းရမှာပေါ့လေ.....
ခုလည်း တရွီးရွီးနဲ့ အိပ်မောကျနေတာတောင် ကျွန်တော့်လူကြီးက ခန့်ညားလိုက်တာဗျာ.......
အဲ့ဒီ စည်းချက်မှန်မှန်ထွက်ပေါ်နေတဲ့ အသက်ရှုသံတွေကအစ ကျွန်တော့်မှာချစ်လိုက်ရတာ ရူးမတတ်ပဲ.......
မကျဥ်းမကျယ်နဖူးပြင်ပေါ် အနည်းငယ်လျှောကျဆင်းနေတဲ့ ဆံပင်ညိုတွေ တစ်ချို့ကြားထဲကနေ ထူထဲနက်မှောင်နေတဲ့ မျက်ခုံးတစ်စုံကို ခုလိုလှမ်းငေးကြည့်ရတဲ့ခံစားမှုက ဘယ်လိုမျိုးပါဆိုပြီးတော့ကို ကျွန်တော့်မှာ ပြောမပြတတ်တော့တဲ့အထိ ရင်ထဲမှာ ဖြစ်နေရတာဗျ.......
YOU ARE READING
Classic Love 🖤 ❤
Fanfictionစိုက်ခင်းတွေ ပန်းပေါင်းစုံခင်းတွေနဲ့ သဘာဝပတ်ဝန်းကျင်တွေကြားထဲ ယိမ်းနွဲ့ပြီး ကြည်နူးပျော်ရွှင်မှု၊ကြေကွဲဝမ်းနည်းမှု၊လွမ်းဆွတ်တမ်းတမှု စတဲ့ ရသစုံ ခံစားမှုတွေ ပေးကြမယ့် စီးပွားရေး လုပ်ငန်းပိုင်ရှင် ကောင်လေး၂ယောက်အကြောင်း............ See ya gu...