I found a love for me
Darling , just dive right in and follow my lead
Ed Sheeran ၏ Perfect သီချင်းက ခပ်တိုးတိုး ပြန့်လွင့်နေသည်။
"ITALY"
နေသူရိန်မင်းခန့် ရေရွတ်မိ၏။
"အီတလီက ဘာအဓိပ္ပါယ်လဲ ယံ"
"မင်းအတွက် အဖြေလေ"
ဝေယံ ပြုံးစေ့စေ့ ဖြေသည်။
"ဒီအဖြေရဲ့ အဓိပ္ပါယ်ကို သိတဲ့ နေ့ . . မင်းက ငါ့ကောင်လေး ဖြစ်လာမှာပဲ"
"ယံ့ကောင်လေး"
သိပ် ချစ်ဖို့ကောင်းသည့် စကားလုံးလေး။
"အဖြေကို သိ အောင် လုပ် . . သူရိန်"
စကားသံက ပဲ့တင်ထပ်နေသည်။
တိုးတိုးညင်းညင်း . . တုန်တုန်ခါခါ။
ရုတ်တရက် မှန်တံခါး ပွင့်သွား၏။ ဝေယံ တံခါးအား ကိုင်ထားသော လက်ကို လွှတ်လိုက်ပြီး နောက်သို့ ခြေ တစ်လှမ်း ဆုတ်ရင်း အထဲသို့ ဝင်လိုက်သည်။ မှန်တံခါးက အသံ မြည်လျက် ပြန်ပိတ်သွားသည်။
"ယံ"
နေသူရိန်မင်းခန့် ဖမ်းဆုပ်ဖို့ ကြိုးစားသည်။ ထိကိုင်လို့ မရ။ မီးခိုးငွေ့များအား ထိသွားသလို ရွရွလေး။ အရာအားလုံး ပျောက်ကွယ်သွားသည်။
Well I found a boy beautiful and sweet
I never knew you were the someone waiting for me
ကောင်လေး တစ်ယောက်၏ သီချင်း ဆိုသံကို ကြားရသည်။
ချစ်စရာကောင်းပြီး အရမ်းကို နူးညံ့သည့် ကောင်လေးကို ရှာတွေ့ခဲ့ပြီ။ ကိုယ့်ကို စောင့်မျှော်နေသည့် တစ်စုံတစ်ယောက်ဟာ မင်း ဖြစ်မှန်း ကိုယ် မသိခဲ့ဘူး . . တဲ့။
ယံ ကြားလား။ အဲ့ဒီသီချင်းသံကိုလေ။
ပထမဆုံး အာရုံမှာ ပေါ်လာတာက မြူခိုးများနှင့် တိမ်တိုက်တွေ။ သူ ဘယ်ရောက်နေသလဲ နေသူရိန်မင်းခန့် မသိ။ ပါးပြင်ပေါ် ထိတို့လိုက်သည့် နူးညံ့သော အထိအတွေ့ တစ်ခု။ မသိမသာလေးသာ ရသည့် မွှေးရနံ့။ ပန်းရနံ့များလား။ ဘာပန်းပါလိမ့်။
YOU ARE READING
SUN { Season 1 }
RomanceChoose me or Lose me ? I don't want to be your second CHOICE ! Start Date : 4th Feb 2022 End Date : 4th Nov 2022
