"ဒီနေ့တော့မန်နေဂျာဂင်မလိုက်နဲ့တော့။ ချန်းယောလ်ကို ယောဒိုကိုအရင်လိုက်ပို့ပေးလိုက်"
"နားလည်ပါပြီ ဥက္ကဌကြီး"
"တာဝန်ကျေလိုက်ဦး ချန်းယောလ်"
"ဟုတ်ကဲ့"
မနက်ခင်းထမင်းဝိုင်းကမြန်မြန်ဆန်ဆန်ပဲပြီးဆုံးသွားခဲ့ပြီး ဥက္ကဌပတ်ခ်ကအရင်စားပွဲကနေထသွားခဲ့သည်။
"မင်္ဂလာနံနက်ခင်းပါ မဒမ်"
မန်နေဂျာဂင်ကတစ်ချက်အရိုအသေပေးနှုတ်ဆက်ပြီး နေရာကနေထွက်လို့သွားသည်။
အိပ်ရာထနောက်ကျနေတဲ့သခင်မဟန်က စားပွဲမှာဝင်မထိုင်ခင် ထမင်းစားပွဲကထဖို့ပြင်နေတဲ့ချန်းယောလ်ကိုစူးစူးစိုက်စိုက်ကြည့်လာတယ်။
"ကောင်းကောင်းအိပ်ပျော်ပါရဲ့လားမဒမ်"
"ငါ့အိမ်ပေါ်မှာကြွက်တစ်ကောင်ရောက်နေတာ ငါကအေးအေးလူလူနဲ့နားနေနိုင်ပါဦးမတဲ့လား"
"အနှောက်အယှက်ပေးမိပါပြီ။ ကောင်းသောနေ့ဖြစ်ပါစေမဒမ်"
တစ်ချက်အရိုသေပေးကာသူမရပ်နေတဲ့ဘေးနားကနေရှောင်ထွက်သွားဖို့လုပ်နေတဲ့ ကောင်လေးကိုမျက်လုံးထောင့်ကနေကြည့်ကာ စကားဆက်ပြီး တားဆီးလိုက်ပြန်တယ်။
"ဥက္ကဌပတ်ခ်ဆိုတာဘယ်လိုလူမျိုးလည်းမင်းသိလား"
တစ်ဖက်ကရပ်သွားပေမယ့်ဘာမှပြောမလာခဲ့။
"သူ့အတွက်အသုံးဝင်မယ့်အရာတွေကိုပဲ မျက်နှာသာပေး အရေးတယူလုပ်တက်တဲ့သူမျိုး။ သူ့အတွက်အသုံးချဖို့လိုအပ်တယ်ထင်တဲ့သူကိုပဲအနားမှာခေါ်ထားလေ့ရှိတာ"
သူမကပန်းသွေးရောင်ဖျော့ဖျော့ဆိုးထားတဲ့ နှင်းဆီဖူးသဏ္ဍာန်နှုတ်ခမ်းထောင့်ဖျားလေးကော့တက်သွားတဲ့အထိ လှောင်ပြုံးကိုပြုံးလိုက်ပြီး အသင့်ဆွဲထုတ်ထားတဲ့ခုံမှာဝင်ထိုင်လိုက်တယ်။
"ဘယ်သူသိမှာလဲ တစ်နေ့နေ့မှာအရာရာပုံအောထားတဲ့သားကလည်း ကြွက်ကလေးတစ်ကောင်လို မျက်နှာလွှဲခဲပစ်နဲ့စွန့်ပစ်ခံရမယ်ဆိုတာလေ"
"မဒမ်ရဲ့အသိပေးမှုတွေကို မှတ်သားထားပါ့မယ်။ သွားခွင့်ပြုပါဦး"
YOU ARE READING
PROJECT B
FanfictionMake your dreams come true either way.Daddy!! I'm comming yo~ Start date 1.12.2021 End date 23.11.2022 Unicode/Zawgyi
