"ရည်းစားလေးတစ်ယောက်တော့ လိုချင်တာပေါ့~~"
တင်ပါးလေးကိုဘယ်ပစ်လိုက်ညာပစ်လိုက်နဲ့အပီပြင်ဟဲနေတဲ့ဘတ်ခ်ဟျွန်းက သူ့ကိုယ်သူရေချိုးခန်းထဲရောက်နေတယ်ဆိုတာကိုမေ့သွားပုံရတယ်။
ရေစိုနေတဲ့ကောက်ကြောင်းအလှက အရည်ရွှမ်းနေတဲ့ပန်းနုရောင်မက်မွန်သီးလေးအလား မြင်ရသူအပေါင်းသရေကျတော်မူစေမယ့်အလှမျိုးပေမယ့် တံခါးအလုံပိတ်ထားတဲ့အပြင် လိုက်ကာပါဆွဲစေ့ထားတာကြောင့် ကြွက်တစ်ကောင်ကြောင်တစ်မှီးတောင်မြင်လိုက်ရမယ့်ပုံမပေါ်။
"တူတူတူတူတူ! တာဒါဒါဒါဒါဒါး ဝါး~ လန်းသွားတာပဲ"
ခေါင်းပေါ်ကဆံပင်ပေါ်မှာကပ်နေတဲ့ရေမှုန်ရေမွှားတွေကို ခွေးပေါက်စလေးတွေလိုခါထုတ်လိုက်ပြီး တဘတ်ကိုကောက်ဆွဲကာရေသုတ်ပြီးတာနဲ့ ဖလားဖလားနဲ့ပြေးချသွားတာ လေထဲမှာလွင့်နေတဲ့ ပန်းပွင့်လေးအတိုင်း။
"ဝါး တယ်ကြည့်ကောင်းပါလား။ ဒါဘယ်သူလေးလဲ"
မကြာခင်တက္ကသိုလ်ဝင်ခွင့်အောင်စာရင်းတွေသိရတော့မှာဖြစ်တာကြောင့် ဘတ်ခ်ဟျွန်းတို့က မင်းသားလေးဂုဏ်ပုဒ်နဲ့အညီ ဆံပင်အရောင်ရော ပုံစံပါပြေးပြောင်းထားတာနဲ့တင်မပြီးသေး တစ်ရက်ကိုမှန် တစ်ရာငါးဆယ့်ခြောက်ခေါက်လောက်ကြည့်ဖို့တာဝန်ပါတိုးလို့လာတယ်။
သူ့ကိုယ်သူတော့မောရှီးဆောတဲ့ရုပ်ချောချောဘဲကြီးစတိုင်လ်လို့ထင်နေပေမယ့် တကယ့်တကယ်က golden ပေါက်လေးလိုချစ်ဖို့ကောင်းနေတာတော့မသိရှာ။
"အဟမ်းဟမ်း ဒီနေ့ကတော့ ရည်းစားပိုးနည်း နည်းအဖြာဖြာထဲက top listကိုလုပ်သွားမှာပါ။ ဖလစ်ရှင်လေးအောင်မြင်ပါစေလို့ဆုတောင်းပါတယ်"
ကင်မရာလေးထောင်ပြီးကိုယ့်ကိုကိုယ်အားပေးပြီးတာနဲ့ Print ထုတ်ထားတဲ့စာရွက်ကြီးကိုင်ပြီး အိမ်အောက်ကိုပြေးဆင်းလို့သွားပြန်တယ်။
"အန်တီမာ"
"ဟော ဘတ်ခ်ဟျွန်းနီးလေး နိုးလာပြီလား"
"သားမနေ့ညကမှာထားတာတွေပြင်ထားပေးလားဟင်"
"အဆင်သင့်ပါပဲရှင်"
YOU ARE READING
PROJECT B
FanfictionMake your dreams come true either way.Daddy!! I'm comming yo~ Start date 1.12.2021 End date 23.11.2022 Unicode/Zawgyi
